ရခိုင်ပြည်နယ်၊ ရသေ့တောင်မြို့နယ်က ဒေသခံပြည်သူတွေကို အာရက္ခတပ်တော် (AA) က စားနပ်ရိက္ခာ ထောက်ပံ့ပေးခဲ့တယ်လို့ နီးစပ်သူတွေဆီကနေ သိရပါတယ်။

ရသေ့တောင်မြို့နယ် ကုလားချောင်း၊ အမျက်တောင်၊ ဆောက်ခတ်နဲ့ မညင်းတောင်ကျေးရွာတို့ကို စစ်ဘေးရှောင်ပြီး ပြန်ဝင်လာတဲ့ ဒေသခံ ၁၄၀၀ ကျောက်ကို AA က မတ် ၁၄ရက်၊ ၁၅ ရက်နဲ့ ၁၆ ရက်နေ့က စားနပ်ရိက္ခာတွေ ထောက်ပံ့ပေးခဲ့တာလို့ AA နဲ့နီးစပ်သူတယောက်က DVB ကိုပြောပါတယ်။

ပြည်သူတယောက်ကို တနေ့ ဆန် ၂ ဘူးနှုန်းနဲ့ ၁၀ ရက်စာစီ ထောက်ပံ့ပေးခဲ့တာဖြစ်ပြီး AA သိမ်းပိုက်ထိန်းချုပ်ထားတဲ့ ဒေသတွေမှာ စားနပ်ရိက္ခာတွေ ထောက်ပံ့ကူညီပေးနေသလို အခမဲ့ ဆေးဝါးကုသပေးတာတွေလည်း လုပ်ပေးနေတယ်လို့ ပြောပါတယ်။

ရခိုင်ပြည်နယ် ပုဏ္ဏားကျွန်းမြို့နယ်မှာလည်း မတ် ၇ ရက်နေ့က ဒေသခံပြည်သူ ၁၆၀ ကျော်ကို AA က အခမဲ့ ဆေးကုသပေးခဲ့တယ်လို့ နီးစပ်သူတွေဆီကနေ သိရပါတယ်။