ရေစကြိုတွင် စစ်သား ၁ ဦး လက်နက်ဖြင့် အလင်းဝင်
DVB
·
March 7, 2025
မကွေးတိုင်း ရေစကြိုမြို့နယ်မှာ အတင်းအဓမ္မ စစ်သားစုဆောင်းခံရတဲ့ စစ်ကောင်စီတပ်သားတယောက် မတ် ၅ ရက် မနက်က လက်နက်ခဲနဲ့အတူ အလင်းဝင်ရောက်ခဲ့တယ်လို့ ဒေသခံတွေဆီကနေ သိရပါတယ်။
အဲဒီတပ်သားဟာ ၂၀၂၄ ခု နိုဝင်ဘာလက စစ်ကိုင်းတံတားပေါ်မှာ စစ်ကောင်စီတပ်သားတွေရဲ့ အတင်းအဓမ္မ စစ်သားစုဆောင်ခြင်းကိုခံခဲ့ရကာ စစ်ကောင်စီလက်အောက်မှာ တာဝန်ထမ်းဆောင် လိုစိတ် မရှိတာကြောင့် MA1သေနတ်တလက်နဲ့အတူ အလင်းဝင်ရောက်ခဲ့တာလို့ ဆိုပါတယ်။
မြန်မာနိုင်ငံအနှံ့အပြားမှာ စစ်ကောင်စီတပ်ရင်းတွေနဲ့ ရဲတပ်ဖွဲ့တွေက ထွက်ပြေး အလင်းဝင်တဲ့သူတွေ များပြားလာနေပြီး စစ်အာဏာသိမ်းပြီးနောက် စစ်ကောင်စီတပ်ကို အာဏာဖီဆန်ပြီး ပြည်သူ့ရင်ခွင် ခိုလှုံလာတဲ့ စစ်သားနဲ့ ရဲတပ်ဖွဲ့ဝင် အရေအတွက် ၃၀၀၀၀ နီးပါးရှိနေပြီလို့ သိရပါတယ်။
