နိုင်ငံတကာရာဇ၀တ်တရားရုံး (ICC) ကို ပိတ်ဆို့အရေးယူဖို့ အမေရိကန်ရဲ့ ဆုံးဖြတ်ချက်ဟာ တုန်လှုပ်ချောက်ချားစရာလုပ်ရပ် ဖြစ်တယ်လို့ လွတ်လပ်တဲ့ တရားသူကြီးတွေနဲ့ ရှေ့နေတွေဆိုင်ရာ ကုလသမဂ္ဂ အထူးကိုယ်စားလှယ်က ဖေဖော်ဝါရီ ၁၂ ရက်မှာ ပြောလိုက်ပြီး အပြင်းအထန် တုံ့ပြန်ပေးဖို့ နိုင်ငံတကာ အသိုက်အဝိုင်းကို တိုက်တွန်းခဲ့ပါတယ်။

နိုင်ငံတကာ ရာဇ၀တ်ခုံရုံး အစိုးရရှေ့နေ ခါရင်းမ်ခန်းဟာ အမေရိကန်နိုင်ငံသားတွေနဲ့ အမေရိကန် မဟာမိတ်တွေကို စုံစမ်းစစ်ဆေးတာနဲ့ ပတ်သက်ပြီး စစ်ရာဇ၀တ်မှုခုံရုံးကို ပစ်မှတ်ထားတဲ့ အမေရိကန်သမ္မတ ဒေါ်နယ်ထရမ့်ပ်ရဲ့  စီးပွားရေးနဲ့ ခရီးသွားလာမှုဆိုင်ရာ ပိတ်ဆို့အရေးယူမှုကို ခံရတဲ့ ပထမဆုံးသောပုဂ္ဂိုလ် ဖြစ်လာပါတယ်။

ထရမ့်ပ်ဟာ သူ့ရဲ့ ပထမသက်တမ်းအတွင်း လုပ်ခဲ့သလိုမျိုး ထပ်လုပ်ခဲ့တဲ့ ပိတ်ဆို့အရေးယူမှုတွေ ထဲမှာ သတ်မှတ်ထားတဲ့ အမေရိကန်နိုင်ငံထဲက ပိုင်ဆိုင်မှုတွေကို ပြန်ထုတ်မပေးဘဲ ဆိုင်းငံ့တာ၊ ဒဏ်ခတ်ခံနဲ့ သူတို့ရဲ့ မိသားစုတွေကို အမေရိကန်ဆီ မလာဖို့ တားမြစ်တာတွေ ပါပါတယ်။

ကုလသမဂ္ဂနဲ့ အမေရိကန်အစိုးရတို့ကြား သဘောတူညီချက်အရ သဟိတ်ဂ် တရားရုံးကို ကိုးကားခဲ့တဲ့ အမှုတွေကို ကုလသမဂ္ဂ လုံခြုံရေးကောင်စီဆီ အကျဉ်းချုပ်တင်ပြဖို့ ခန်းဟာ နယူးယောက်မြို့ကို သွားဖို့လိုပါတယ်။

Source : Reuters