ဘိုင်ယန်မြူးနစ် လူငယ်တိုက်စစ်မှူး မက်သီတဲလ်ကို ခေါ်ယူဖို့ ပရီးမီးယားလိဂ် ထိပ်တန်းအသင်းတွေက အပြိုင်ကြိုးပမ်းနေကြပါတယ်။

အသက် ၁၉ နှစ်ပဲရှိသေးတဲ့ ပြင်သစ်ကစားသမားဟာ ဇန်နဝါရီ အပြောင်းအရွှေ့ မပိတ်ခင်မှာ ဘိုင်ယန်ကနေ ထွက်ခွါဖို့ရှိပြီး ပရီးမီးယားလိဂ် ထိပ်တန်း ၄ သင်းက ခေါ်ယူဖို့ ကြိုးပမ်းနေကြတာပါ။

ကနဦးမှာ ချဲလ်ဆီးအသင်းက ခေါ်ယူဖို့ ဆွေးနွေးခဲ့ပြီး အပြီးသတ်ခေါ်ယူနိုင်မှု မရှိသေးချိန်မှာ စပါး၊ အာဆင်နယ်၊ မန်ယူနဲ့ အက်စတန်ဗီလာအသင်းတွေက အပြိုင်ခေါ်ယူဖို့ လုပ်ဆောင်လာခဲ့တာပါ။

မက်သီတဲလ်ဟာ ၂၀၂၂ ခုနှစ်က ပြင်သစ်ကလပ် ရန်းနက်စ်ကနေ ပေါင် ၂၅ သန်းနဲ့ ပြောင်းရွှေ့လာသူဖြစ်ပြီး  မနှစ်ကရာသီမှာ ၁၀ ဂိုးသွင်း ၆ ဂိုး ဖန်တီးနိုင်ခဲ့ပါတယ်။