ထိုင်းနိုင်ငံ၊ ချင်းမိုင်မြို့ရှိ Central Airport Plaza မှာ ဇန်နဝါရီ ၂၈ ရက်ညက တရုတ်နှစ်သစ်ကူးပွဲတော် အကြိုအခမ်းအနားကို ကျင်းပခဲ့ပါတယ်။

တရုတ်ရိုးရာနှစ်ကူး (နွေဦးပွဲတော်) ကို ကြိုဆိုတဲ့ ဒီအခမ်းအနားမှာ မီတာ ၄၀ အရှည်ရှိတဲ့ LED မီးတွေနဲ့ အလှဆင်ထားတဲ့ ရွှေရောင်နဂါးနဲ့ ငွေရောင်နဂါး ၂ ကောင်နဲ့ ခမ်းခမ်းနားနား ဖျော်ဖြေခဲ့ကြပါတယ်။

အခုနှစ်ဟာ တရုတ်ရာသီခွင် ၁၂ မျိုးထဲက မြွေနှစ်ဖြစ်ပြီး ၂၀၂၅ ခုနှစ် ဇန်နဝါရီ ၂၉ ရက်နေ့ ဒီကနေ့ဟာ နဂါးနှစ်ကနေ မြွေနှစ်ကို ကူးပြောင်းတဲ့နှစ် တရုတ်နှစ်သစ်ကူးနေ့လည်း ဖြစ်ပါတယ်။