ဒိန်းမတ်နောက်ခံလူ ဒေါ်ဂူကို ခေါ်ယူရန် မန်ယူအသင်း ဆွေးနွေး
DVB
·
January 21, 2025
မန်ချက်စတာယူနိုက်တက်အသင်းဟာ အီတလီကလပ် လက်ချီအသင်းက ဒိန်းမတ်နောက်ခံလူ ပတ်ထရစ်ဒေါ်ဂူကို ခေါ်ယူဖို့ ဆွေးနွေးနေပါတယ်။
အသက် ၂၀ နှစ်ပဲရှိသေးတဲ့ ဒိန်းမတ်လက်ရွေးစင်ကစားသမားဟာ ခံစစ် ဘယ်အစွန်နေရာ တလျှောက်မှာ ကစားနိုင်ပြီး လိုအပ်မယ်ဆိုရင် ညာစွန်မှာလည်း ကစားနိုင်သူပါ။
နည်းပြ အာမိုရင်ဟာ ဘယ်နောက်ခံလူနေရာအတွက် PSG က ပေါ်တူဂီလက်ရွေးစင် နူနိုမက်ဒက်စ်ကို ခေါ်ယူဖို့ ပစ်မှတ်ထားခဲ့ပေမဲ့ အဆင်မပြေခဲ့တာကြောင့် ပတ်ထရစ်ဒေါ်ဂူကို ခေါ်ယူဖို့ လုပ်ဆောင်လာခဲ့တာပါ။
မန်ယူအသင်းကင်းထောက်တွေဟာ ဒေါ်ဂူရဲ့ စွမ်းဆောင်ရည်အပေါ် သဘောကျနေတာကြောင့် မန်ယူအသင်းဘက်ကလည်း ခေါ်ယူဖို့ လုပ်ဆောင်လာခဲ့တာလို့ Athletic သတင်းမှာ ဖော်ပြပါတယ်။
