အစ္စရေး-ဟားမတ်စ် အပစ်အခတ်ရပ်စဲရေး သဘောတူညီချက်ကို ဗုဒ္ဓဟူးနေ့က ကြေညာပြီးတဲ့နောက် ဂါဇာကမ်းမြောင်တလျှောက်မှာ အစ္စရေးက ဆက်တိုက် လေကြောင်းကနေ တိုက်ခိုက်ခဲ့ပြီး အနည်းဆုံး ၁၁၆ ယောက် သေဆုံးခဲ့တယ်လို့ ပါလက်စတိုင်း အရပ်ဘက် ကာကွယ်ရေးဌာနက ပြောပါတယ်။
သေဆုံးသူတွေထဲမှာ ကလေးအယောက် ၃၀ နဲ့ အမျိုးသမီး ၃၂ ယောက်ပါပြီး ၂၆၅ ယောက် ဒဏ်ရာရခဲ့တယ်လို့ မြို့ပြကာကွယ်ရေးဌာနက သတင်းထုတ်ပြန်ပါတယ်။
အစ္စရေးရဲ့ ဗုံးကြဲတိုက်ခိုက်မှုကြောင့် အခုအချိန်အထိ ပါလက်စတိုင်း ၄၆,၈၇၆ ယောက် သေဆုံးပြီး ဂါဇာမှာ တခြား ၁၁၀,၆၄၂ ယောက် ဒဏ်ရာရခဲ့တယ်လို့ ဂါဇာအခြေစိုက် ကျန်းမာရေးအာဏာပိုင်တွေက သတင်းထုတ်ပြန်ပါတယ်။
အပစ်အခတ်ရပ်စဲရေး ဒုတိယအဆင့်မှာ အဓိပ္ပာယ်ကင်းမဲ့ကြောင်း သက်သေပြခဲ့ရင် ဂါဇာမှာ အမေရိကန်ရဲ့ ကျောထောက်နောက်ခံနဲ့ စစ်ပွဲပြန်စနိုင်ခွင့်ကို အစ္စရေးက ဆက်ကိုင်စွဲထားမယ်လို့ အစ္စရေးဝန်ကြီးချုပ် ဘင်ဂျမင် နေတန်ယာဟုက ဇန်နဝါရီ ၁၈ ရက်မှာ ပြောပါတယ်။
Source: Reuters
