ဝေါ်ကာနေရာအတွက် ဂျူဗီနောက်ခံလူ ကမ်ဘီယာဆိုကို မန်စီးတီး ခေါ်ယူမည်
DVB
·
January 17, 2025
မန်စီးတီးအသင်းဟာ အသင်းကနေထွက်ခွါဖို့ နီးစပ်လာတဲ့ ကိုင်ဝေါ်ကာရဲ့နေရာအတွက် ဂျူဗင်တပ်နောက်ခံလူ ကမ်ဘီယာဆိုကို ခေါ်ယူဖို့ စီစဉ်နေပါတယ်။
အသက် ၂၄ နှစ်ရှိ ညာနောက်ခံလူဟာ ဘယ်နဲ့ ညာတောင်ပံတလျှောက် ဘယ်နေရာမဆို ကစားနိုင်ပြီး အီတလီလက်ရွေးစင်အတွက် ၁၃ ပွဲ ကစားထားသူပါ။
မန်စီးတီးအသင်း တာဝန်ရှိသူတွေဟာ ကမ်ဘီယာဆိုကို ခေါ်ယူဖို့ သောကြာနေ့မှာ စတင်ဆွေးနွေးသွားဖို့ စီစဉ်ထားတယ်လို့ သိရပါတယ်။
ဝေါ်ကာကို အေစီမီလန်အသင်းက ခေါ်ယူလိုနေပြီး ကနဦး အငှားစာချုပ်နဲ့ဖြစ်ကာ ရာသီကုန်ချိန်မှာ ၂ နှစ်စာချုပ်နဲ့ အပြီးသတ်ခေါ်ယူမယ်လို့ သတင်းထွက်ပေါ်နေပါတယ်။
