မန်စီးတီးနောက်ခံလူ ကိုင်ဝေါ်ကာဟာ အသင်းကနေ ထွက်ခွါခွင့်တောင်းဆိုထားကြောင်း နည်းပြ ဂွါဒီယိုလာက အတည်ပြုသွားပါတယ်။
ဆဲလ်ဖို့ဒ်အသင်းကို ၈ ဂိုး ဂိုးမရှိနဲ့ အနိုင်ရတဲ့ပွဲစဉ်လူစာရင်းမှာ ကိုင်ဝေါ်ကာကို ချန်လှပ်ခဲ့တဲ့အပေါ် မီဒီယာတွေကမေးမြန်းခဲ့ရာမှာ ဂွါဒီယိုလာက ပြန်လည်ဖြေကြားခဲ့တာပါ။
ကိုင်ဝေါ်ကာဟာ လွန်ခဲ့တဲ့ ၂ ရက်က အသင်းကနေ ထွက်ခွါပြီး တခြားနိုင်ငံကလိဂ်မှာ ပြောင်းရွှေ့ ကစားချင်ကြောင်း အသင်းဘုတ်အဖွဲ့ကို အသိပေးခဲ့ကြောင်း၊ ဒီလိုအခြေအနေကြောင့် အသင်းအပေါ်မှာပဲ အာရုံစိုက်ကစားမယ့် တခြားကစားသမားတယောက်ကို အစားထိုး အသုံးပြုခဲ့တာဖြစ်တယ်လို့ နည်းပြဂွါဒီယိုလာက ပြောပါတယ်။
အသက် ၃၄ နှစ်ရှိ အင်္ဂလန်လက်ရွေးစင်နောက်ခံလူ ဝေါ်ကာကို ဆော်ဒီကလပ်တွေက မက်မောစရာ လုပ်ခနဲ့ ကမ်းလှမ်းထားပြီး ဝေါ်ကာကိုယ်တိုင်ကလည်း ကစားသမားဘဝအဆုံးသတ်ခါနီးမှာ ဆော်ဒီလိဂ်ဆီပြောင်းရွှေ့ဖို့ ဆန္ဒရှိနေတယ်လို့ သိရပါတယ်။
Photo-Reuters
