လီဗာပူးအသင်းဟာ တိုက်စစ်မှူး ဒါဝင်နူညက်ဇ်ကို ရောင်းချဖို့ လမ်းဖွင့်ထားတယ်လို့ သိရပါတယ်။

အသက် ၂၅ နှစ်ရှိ ဥရုဂွေးတိုက်စစ်မှူးဟာ ဂျိုတာ၊ ဂတ်ပို၊ ဒီယက်ဇ်နဲ့ ဆာလာတို့ရှိနေတဲ့ တိုက်စစ် အစုအဖွဲ့မှာ အရန်ကစားသမားအဖြစ် လူစားဝင်ကစားနေရတာပါ။

သူဟာ ၂၀၂၂ ခုနှစ်က ကလပ်စံချိန် တင်ပြောင်းရွှေ့ကြေးအဖြစ် ပေါင် ၈၅ သန်းနဲ့ ဘင်ဖီကာကနေ ပြောင်းရွှေ့လာတာပါ။

လက်ရှိအချိန်မှာတော့ နူညက်ဇ်အတွက် ကမ်းလှမ်းချက်တွေကို လီဗာပူးအသင်းက ပြန်လည်သုံးသပ်နေပြီး ပေါင်သန်း ၅၀ ကနေ ၆၀ ဝန်းကျင်ခန့် ရရှိမယ်ဆိုရင် ရောင်းချသွားဖို့ ရှိတယ်လို့သိရပါတယ်။

နူညက်ဇ်ကို ခေါ်ယူဖို့ အီတလီကလပ်တွေက စိတ်ဝင်စားနေပြီး နယူးကာဆယ်အသင်းကလည်း အီဆက်ခ်အသင်းကနေ ထွက်ခွါဖြစ်မယ်ဆိုရင် နူညက်ဇ်နဲ့ အစားထိုးသွားမယ်လို့ သတင်းထွက်ပေါ်နေ ပါတယ်။