ချက်ဂိုးသမား ကင်စကီကို ပေါင် ၁၂ သန်းခွဲဖြင့် စပါးအသင်း ခေါ်ယူမည်
DVB
·
January 5, 2025
စပါးအသင်းဟာ ချက်လူငယ်ဂိုးသမား ကင်စကီကို ပေါင် ၁၂ သန်းခွဲနဲ့ ခေါ်ယူနိုင်တော့မှာ ဖြစ်ပါတယ်။
အသက် ၂၁ နှစ်ရှိ ချက် ယူ-၂၁ ဂိုးသမား ကင်စကီဟာ ချက်ကလပ် ဆလားဗီးယားပရပ်အတွက် ၂၉ ပွဲ ကစား၊ ၁၄ ပွဲ ပေးဂိုးမရှိ ရလဒ်နဲ့ လက်စွမ်းပြနေသူပါ။
အသင်းရဲ့ နံပါတ်တစ် ဂိုးသမားဖြစ်သူ ဗီကာရီယိုက ခြေချင်းဝတ်ဒဏ်ရာကို ခွဲစိတ် ကုသခဲ့ရတာကြောင့် ဂိုးသမားသစ်တယောက် ခေါ်ယူဖို့ လုပ်ဆောင်ခဲ့တာပါ။
အခုတပတ်အတွင်းမှာ အပြောင်းအရွှေ့ကိစ္စတွေနဲ့ ဆေးစစ်မှုတွေ အပြီးသတ်လုပ်ဆောင်မှာဖြစ်ပြီး စပါးအသင်းက တပတ်အတွင်း အပြီးသတ်ခေါ်ယူနိုင်လိမ့်မယ်လို့ သိရပါတယ်။
စပါးနည်းပြ ပို့စ်တီကိုဂလူကလည်း ဇန်နဝါရီအပြောင်းအရွှေ့မှာ ကစားသမား အင်အားဖြည့်တင်းဖို့ တောင်းဆိုထားပြီး ဂိုးသမားကင်စကီက ရာသီဝက်ကာလမှာ ပထမဆုံး ခေါ်ယူမှု ဖြစ်လာနိုင်ပါတယ်။
