စီရော်နယ်ဒို PSG အသင်းဆီပြောင်းရွှေ့မည့်သတင်း မဟုတ်မှန်
DVB
·
January 5, 2025
စီရော်နယ်ဒိုဟာ ပြင်သစ်ကလပ် PSG အသင်းဆီ ပြောင်းရွှေ့ဖို့ ဆွေးနွေးနေတယ် ဆိုတဲ့ သတင်းတွေ မဟုတ်မှန်ကြောင်း အပြောင်းအရွှေ့ကျွမ်းကျင်သူ အီတလီဂျာနယ်လစ်ရိုမန်နိုက ဖော်ပြသွားပါတယ်။
ပေါ်တူဂီဂျာနယ်လစ် ပတ်ဒရို အယ်လ်မေးဒါးရဲ့ အဆိုအရ ရော်နယ်ဒိုဟာ မက်ဆီရဲ့ လမ်းစဉ်အတိုင်း ပဲရစ်ကလပ်ဆီ ပြောင်းရွှေ့ဖို့ ဆွေးနွေးနေကြောင်း သတင်းထွက်ပေါ်ခဲ့တာပါ။
PSG အသင်းဟာ ရော်နယ်ဒိုကို ခေါ်ယူဖို့ လုပ်ဆောင်နေခြင်းမရှိကြောင်း၊ ဆွေးနွးမှု တစုံတရာလည်း မရှိသေးကြောင်း ရိုမန်နိုက ဖော်ပြပါတယ်။
တဖက်မှာလည်း အယ်လ်နာဆာအသင်းက စီရော်နယ်ဒိုကို စာချုပ်သက်တမ်းတိုးသွားဖို့ ဆန္ဒရှိနေတယ်လို့ သိရပါတယ်။
