၂၀၂၄ ခုနှစ် ဘလွန်းဒီအော ကမ္ဘာ့အကောင်းဆုံးဘောလုံးသမားဆုကို စပိန်ကွင်းလယ်လူ ရိုဒရီ မရရှိသင့်ကြောင်း ပေါ်တူဂီတိုက်စစ်မှူး စီရော်နယ်ဒိုက သုံးသပ်သွားပါတယ်။

ဒီဇင်ဘာ ၂၇ ရက် သောကြာနေ့က ဒူဘိုင်းမှာ ပြုလုပ်ခဲ့တဲ့ Globe Soccer Award ဆုပေးပွဲမှာ ဘလွန်းဒီအောဆုပေးခဲ့တာနဲ့ ပတ်သက်လို့ မျှတမှုမရှိကြောင်း ရော်နယ်ဒိုက ဝေဖန်ခဲ့တာပါ။

ဘလွန်းဒီအောဆုကို ဗင်နီဆီးယက်စ်ဂျူနီယာက ရရှိသင့်တယ်ဆိုတာ သိသာထင်ရှားပြီး ဘလွန်းဒီအောဆုပေးအဖွဲ့ အနေနဲ့ မျှတမှုမရှိခဲ့ကြောင်း ရော်နယ်ဒိုက ပြောပါတယ်။

ဗင်နီဆီးယက်စ်ကို ဆုပေးခဲ့တဲ့ Globe Soccer Award ကသာ မျှတတဲ့ အဖွဲ့အစည်းဖြစ်လို့ နှစ်သက်သဘောကျကြောင်း ရော်နယ်ဒိုက ပြောသွားပါတယ်။