နိုင်ပွဲပျောက်နေသည့်အပေါ် မျှော်လင့်ပြီးသားအခိုက်အတန့်ဖြစ်ဟု ချဲလ်ဆီးနည်းပြပြော
DVB
·
January 3, 2025
သုံးပွဲဆက် နိုင်ပွဲပျောက်နေတဲ့အပေါ် ရာသီအစကတည်းက မျှော်လင့်ပြီးသားအခိုက်အတန့် ဖြစ်ကြောင်း ချဲလ်ဆီးနည်းပြ မာရက်စ်ကာက ပြောသွားပါတယ်။
နည်းပြမာရက်စ်ကာ လက်ထက်မှာ ရလဒ်ကောင်းမွန်နေတဲ့ ချဲလ်ဆီးအသင်းဟာ ပြီးခဲ့တဲ့ ဒီဇင်ဘာ ၂၂ ရက်က အဲဗာတန်နဲ့ပွဲမှာ သရေကျခဲ့ပြီး နောက်ဆုံး ၂ ပွဲဆက်တိုက် ရှုံးပွဲတွေ့ခဲ့ပါတယ်။
ဒီလိုအခိုက်အတန့်မျိုး တွေ့ကြုံရမယ်ဆိုတာ ရာသီအစကတည်းက မျှော်လင့်ပြီးသားဖြစ်ပြီး ဘောလုံးမှာ ဘယ်အသင်းမဆို ဖြစ်တတ်ကြောင်း မာရက်စ်ကာက ပြောပါတယ်။
ချဲလ်ဆီးအသင်းအနေနဲ့ တည်ငြိမ်တဲ့ခြေစွမ်းနဲ့ ချန်ပီယံဆုကိုစိန်ခေါ်ဖို့ မဖြစ်နိုင်သေးဘူး ဆိုတာလည်း ပြောခဲ့ပြီးသားဖြစ်လို့ လက်ရှိအခြေအနေအပေါ် မထူးဆန်းကြောင်း နည်းပြ မာရက်စ်ကာက ပြောသွားပါတယ်။
