အဲဗာတန်ကို အနိုင်ယူပြီး နော်တင်ဟမ်ဖောရက်စ် အမှတ်ပေးဇယား အဆင့် ၂ နေရာ ရောက်ရှိ
DVB
·
December 30, 2024
နော်တင်ဟမ်ဖောရက်စ် အသင်းသားတွေ အနေနဲ့ အဆင့် ၂ နေရာ တက်လှမ်းလာတာကို သာယာမနေကြဖို့ နည်းပြ နူနိုဆန်းတို့စ်က သတိပေးသွားပါတယ်။
နောင်တင်ဟမ်အသင်းဟာ ဒီဇင်ဘာ ၃၀ ရက်က ကစားခဲ့တဲ့ အဲဗာတန်နဲ့ပွဲမှာ ၂ ဂိုး ဂိုးမရှိနဲ့ အနိုင်ရခဲ့ပြီး နောက်ဆုံး ၅ ပွဲဆက် အနိုင်ရလဒ်နဲ့အတူ အဆင့် ၂ နေရာ တက်လှမ်းလာနိုင်ခဲ့တာပါ။
အဆင့် ၂ နေရာ ရောက်နေပေမဲ့ ဘာအောင်မြင်မှုမှ ရယူနိုင်သေးတာ မဟုတ်တဲ့အတွက် လက်ရှိအခြေအနေကို သာယာမနေဘဲ ရည်မှန်းချက်တွေအတွက် ဆက်လက်ကြိုးပမ်းသွားဖို့ လိုအပ်ကြောင်း နည်းပြဆန်းတို့စ်က ပြောပါတယ်။
ပွဲစဉ် ၁၉ အပြီးမှာ အဆင့် ၅ နေရာက မန်စီးတီးကို ၅ မှတ်ဖြတ်ထားတဲ့ နော်တင်ဟမ်အသင်းဟာ လာမယ့်ရာသီ ဥရောပချန်ပီယံလိဂ်ဝင်ခွင့် ရဖို့အထိပါ မျှော်လင့်ခွင့်ရှိလာခဲ့တာ ဖြစ်ပါတယ်။
