အီကွေဒေါနိုင်ငံ၊ ဂွါယာကေးမြို့မှာ အရွယ်မရောက်သေးဘဲ အသတ်ခံရသူ ယောက်ျားလေး ၄ ယောက်ကို ဇန်န၀ါရီ ၁ ရက်မှာ သင်္ဂြိုဟ်ခဲ့ပြီး သူတို့ကို ဆုံးရှုံးသွားတဲ့အတွက် မိသားစုတွေ ဝမ်းနည်းပူဆွေးခဲ့ကြပါတယ်။
ပျောက်နေတဲ့ ယောက်ျားလေးတွေလို့ သတ်မှတ်ခံရတဲ့ အလောင်းတွေကို ဝမ်းနည်းစရာ တွေ့ခဲ့ရလို့ လူအများ ဒေါသထွက်ခဲ့ကြပါတယ်။
ဒီအမှုကို အီကွေဒေါနိုင်ငံတဝန်းမှာ ဒေါသထွက်ခဲ့ပြီး ကလေးတွေရဲ့ အဖြစ်အပျက်ကို အဖြေပေးဖို့ မြို့တော်ကွီတိုနဲ့ တခြားနေရာတွေမှာ ဆန္ဒပြသူတွေက တောင်းဆိုခဲ့ကြပါတယ်။
ကလေးတွေ ပျောက်ဆုံးမှုမှာ စစ်တပ်ရဲ့ ပါဝင်ပတ်သက်မှုအပေါ် အပြင်းအထန် ဝေဖန်ခဲ့ကြပြီး စစ်ဘက်ဆိုင်ရာ အမှုထမ်း ၁၆ ယောက်ကို စုံစမ်းစစ်ဆေးဖို့ ထိန်းသိမ်းထားပါတယ်။
အသက် ၁၁ နှစ်ကနေ ၁၅ နှစ်ကြားရှိ ယောက်ျားလေးတွေဟာ ဘောလုံးကစားပြီးတဲ့နောက် ဒီဇင်ဘာ ၈ ရက်က ပျောက်သွားခဲ့တာပါ။
အနားမှာတော့ အကောက်ခွန်အရာရှိတွေကို ကူညီပံ့ပိုးပေးတဲ့ စစ်ဆင်ရေးတခု လုပ်နေတဲ့ ကင်းလှည့်အဖွဲ့ရဲ့ ကြိုမတွက်ထားနိုင်တဲ့ အခြေအနေနဲ့ ယောက်ျားလေးတွေက အဖမ်းခံခဲ့ရတယ်လို့ လေတပ်ဦးစီးမှူး ဗိုလ်ချုပ် ဆယ်လီယာနို ဆယ်ဗာယို့စ်က ဒီဇင်ဘာ ၃၀ ရက်မှာ ပြောခဲ့ပါတယ်။
Source : Reuters
