အခုနှစ်ရာသီအကုန်မှာ မန်ယူအသင်း တန်းဆင်းရနိုင်ခြေ ဝ ဒသမ ၁ ရာခိုင်နူန်းသာရှိကြောင်း ဘောလုံးအချက်အလက် ကုမ္ပဏီ Opta ရဲ့ စူပါကွန်ပြူတာက တွက်ချက်ထုတ်ပြန်ပါတယ်။
မန်ယူအသင်းဟာ ပထမရာသီကာလအပြီးမှာ အဆင့် ၁၄ မှာရပ်တည်နေပြီး တန်းဆင်းရမယ့် အဆင့် ၁၈ က အသင်းနဲ့ ၇ မှတ်ကွာဟနေပါတယ်။
စူပါကွန်ပြူတာရဲ့ တွက်ချက်မှုအရ မန်ယူအသင်းက တန်းဆင်းရ နိုင်ခြေ ဝ ဒသမ ၁ ရာခိုင်နူန်း၊ အဆင့် ၁၇ မှာရပ်တည်နိုင်ခြေ ဝ ဒသမ ၆ ရာခိုင်နူန်း၊ အဆင့် ၁၆ မှာရပ်တည်နိုင်ခြေ ၃ ဒသမ ၁ ရာခိုင်နူန်းရှိပါတယ်။
ရာခိုင်နူန်းအများဆုံးက အဆင့် ၁၂ ဖြစ်ပြီး ၁၅ ဒသမ ၁ ရာခိုင်နှုန်းအထိရှိနေပါတယ်။
ထိပ်ဆုံးလေးသင်းစာရင်းဝင်ဖို့ အတွက်တော့ ဝ ဒသမ ၃ ရာခိုင်နူန်းသာရှိကြောင်း စူပါကွန်ပြူတာက ထုတ်ပြန်ပါတယ်။
စူပါကွန်ပြူတာဟာ လက်ကျန်ပွဲစဉ်အခြေအနေ၊ ဖြစ်နိုင်တဲ့ ရလဒ်၊ ပြိုင်ဘက်အသင်း အခြေအနေ အစရှိတာတွေကို အသေးစိတ် ခန့်မှန်းတွက်ချက်ပြီး ထုတ်ပြန်ခဲ့တာဖြစ်ပါတယ်။
Photo-Reuters
