ဆာကာ မကစားနိုင်တာက ပိုကောင်းတဲ့နည်းပြဖြစ်စေဟု အာတေတာ ပြော
DVB
·
December 28, 2024
အားထားရတဲ့ တောင်ပံကစားသမား ဆာကာ မကစားနိုင်တာက သူ့ကို ပိုကောင်းတဲ့နည်းပြ ဖြစ်စေလိမ့်မယ်လို့ အာဆင်နယ်နည်းပြ မီခေးလ်အာတေတာက ပြောပါတယ်။
အင်္ဂလန်တောင်ပံ ကစားသမားဟာ တံကောက်ကြောဒဏ်ရာကြောင့် အနားယူနေရပြီး အာဆင်နယ်ရဲ့ပွဲစဉ်တွေကို လွဲချော်မှာပါ။
နည်းပြအာတေတာကတော့ ဆာကာ မကစားနိုင်တာက စိန်ခေါ်မှုတခု ဖြစ်ပေမဲ့ သူ့နေရာကို ဘယ်လို အစားထိုး အသုံးပြုသွားမလဲဆိုတာ ဆုံးဖြတ်ချက်ချရမှာဖြစ်လို့ ပိုကောင်းတဲ့ နည်းပြတယောက် ဖြစ်လာလိမ့်မယ်လို့ ပြောပါတယ်။
နည်းပြအာတေတာဟာ ဆာကာရဲ့ ညာတောင်ပံတိုက်စစ်မှာ လီအန်ဒရိုထရော့ဆတ်နဲ့ ဂါဘရီယယ်ဂျေဆု တို့ကိုလည်း အသုံးပြုခဲ့ဖူးပါတယ်။
ဆာကာဟာ ဒဏ်ရာကြောင့် ရက်သတ္တပတ်ပေါင်းများစွာ အနိုင်ယူရနိုင်တယ်လို့ နည်းပြအာတေတာ က ပြောထားပါတယ်။
