ဆာကာ ရက်သတ္တပတ်ပေါင်းများစွာ အနားယူရမည်ဟု နည်းပြအာတေတာ အတည်ပြု
DVB
·
December 25, 2024
တောင်ပံတိုက်စစ်ကစားသမား ဘူကာရိုဆာကာဟာ ဒဏ်ရာကြောင့် ရက်သတ္တပတ်ပေါင်းများစွာ အနားယူရမယ်လို့ နည်းပြအာတေတာက ပြောသွားပါတယ်။
အင်္ဂလန်ကစားသမားဟာ ခရစ္စတယ်ပဲလေ့ကို ၅ ဂိုး ၁ ဂိုးနဲ့ အနိုင်ရတဲ့ပွဲစဉ်မှာ ပွဲအစ ၂၄ မိနစ်ကတည်းက တံကောက်ကြောဒဏ်ရာကြောင့် ပွဲကိုဆက်မကစားနိုင်ဘဲ လူစားလဲခဲ့ရတာပါ။
ပွဲအပြီးမှာလည်း ချိုင်းထောက်နဲ့ ကွင်းကနေ ထွက်ခွါခဲ့ရတဲ့ ဆာကာဟာ ဒဏ်ရာပြန်လည်ကောင်းမွန်လာဖို့ ရက်သတ္တပတ်ပေါင်းများစွာ အနားယူရနိုင်ကြောင်း အာတေတာက ပြောခဲ့တာပါ။
ဆာကာဟာ ပြီးခဲ့တဲ့ အောက်တိုဘာလတုန်းကလည်း အလားတူ ဒဏ်ရာရရှိခဲ့ပြီး ၃၉ ရက်ကြာ အနားယူခဲ့ရပါတယ်။
ဆာကာ ကာလရှည်အနားယူရနိုင်တဲ့ အခြေအနေက အသင်းအတွက် အခက်တွေ့စေမှာဖြစ်ပြီး ကြီးမားတဲ့စိန်ခေါ်မှုတခု ဖြစ်ကြောင်း နည်းပြအာတေတာက ပြောသွားပါတယ်။
