ဆာကာ ဒဏ်ရာကြောင့် ကာလရှည်အနားယူရမှာကို အာဆင်နယ်ပရိသတ် စိုးရိမ်
DVB
·
December 22, 2024
တံကောက်ကြောဒဏ်ရာကြောင့် ဆာကာ ကာလရှည်အနားယူရမှာကို အာဆင်နယ် ပရိသတ်တွေက စိုးရိမ်နေကြပါတယ်။
ဆာကာဟာ အာဆင်နယ်က ခရစ္စတယ်ပဲလေ့ကို ၅ ဂိုး ၁ ဂိုးနဲ့ အနိုင်ရတဲ့ပွဲစဉ်မှာ တံကောက်ကြော ဒဏ်ရာရရှိခဲ့ပြီးပွဲချိန် ၂၅ မိနစ်မှာပဲ လူစားလဲခဲ့ရပါတယ်။
ပွဲအပြီးမှာလည်း ချိုင်းထောက် အကူအညီနဲ့ ကွင်းထဲကနေ ထွက်ခွာသွားတဲ့ ဆာကာကို အာဆင်နယ်ပရိသတ်တွေက စိုးရိမ်နေကြတာပါ။
နည်းပြအာတေတာကတော့ ဆာကာရဲ့ ဒဏ်ရာအခြေအနေကို ပြောပြဖို့ စောလွန်းနေသေးပြီး အသေးစိတ်စစ်ဆေးပြီးမှ သိရှိရမယ်လို့ ပြောပါတယ်။
ဆာကာဟာ ပြီးခဲ့တဲ့ အောက်တိုဘာလကလည်း အင်္ဂလန်အတွက် ကစားပေးရင်း တံကောက်ကြော ဒဏ်ရာရရှိခဲ့ပြီး ၃၉ ရက်ကြာ အနားယူခဲ့ရပါတယ်။
