အာဆင်နယ်အတွက် ဆုဖလားပိုမိုရယူပေးရန်လိုအပ်ကြောင်း နည်းပြ အာတေတာ ဝန်ခံ
DVB
·
December 18, 2024
အာဆင်နယ်အတွက် ဆုဖလားတွေ ပိုမိုရယူပေးဖို့ လိုအပ်ကြောင်း နည်းပြအာတေတာက ဝန်ခံ ပြောသွားပါတယ်။
ခရစ္စတယ်ပဲလေ့နဲ့ ကစားမယ့် လိဂ်ဖလားကွာတားဖိုင်နယ်ပွဲစဉ်မတိုင်ခင် သတင်းစာရှင်းလင်းပွဲမှာ ဆုဖလားအကြောင်းနဲ့ ပတ်သက်လို့ နည်းပြအာတေတာက ပြောခဲ့တာပါ။
အာဆင်နယ်အသင်း ၅ နှစ်အတွင်းမှာ အက်ဖ်အေဖလားတလုံးပဲ ရယူနိုင်ခဲ့တဲ့အပေါ် ဂျာနယ်လစ်တယောက်က မေးခွန်းထုတ်ခဲ့ပြီး ကွန်မြူနတီ ဒိုင်းဆုဖလား ၂ ကြိမ်ပါ ထည့်သွင်းတွက်ချက်ရတာ မဟုတ်လားလို့ နည်းပြအာတေတာက ပြန်လည်မေးခွန်းထုတ်ခဲ့ပါတယ်။
ဆက်လက်ပြီး အာဆင်နယ်လို ထိပ်တန်းအသင်းကြီးတသင်းအတွက် ဆုဖလားတွေ ပိုမိုရယူပေးဖို့လိုအပ်ကြောင်း ဝန်ခံခဲ့ပြီး လိဂ်ရှုံးထွက်ဖလားမှာလည်း ချန်ပီယံဖြစ်တဲ့အထိ ကြိုးပမ်းသွားမယ်လို့ နည်းပြအာတေတာက ပြောသွားပါတယ်။
