မန်ယူအသင်း ရှုံးပွဲဆက်လိမ့်မည်ဟု မမျှော်လင့်ခဲ့ကြောင်း နည်းပြ အာမိုရင်ပြော
DVB
·
December 28, 2024
မန်ယူအသင်းအနေနဲ့ ရှုံးပွဲတွေ များလိမ့်မယ်လို့ မမျှော်လင့်ခဲ့ကြောင်း နည်းပြအာမိုရင်က ပြောသွားပါတယ်။
နောက်ဆုံးပွဲစဉ်မှာ ဝုဗ်အသင်းကို ၂ ဂိုးပြတ် ရှုံးနိမ့်ခဲ့တဲ့ မန်ယူအသင်းဟာ နောက်ဆုံး ၃ ပွဲ ဆက်တိုက် ရှုံးပွဲတွေ့ခဲ့တာဖြစ်ပြီး နောက်ဆုံး ၇ ပွဲမှာ ၅ ပွဲအထိ ရှုံးပွဲတွေ့ခဲ့ရတာပါ။
မန်ချက်စတာယူနိုက်တက် နည်းပြတယောက်အနေနဲ့ အမြဲတမ်းဖိအားရှိနေမှာဖြစ်ပြီး ဒီလောက်အထိ ရှုံးပွဲဆက်လိမ့်မယ်လို့တော့ မမျှော်လင့်ခဲ့ကြောင်း၊ လက်ရှိအခြေအနေကို မပြောင်းလဲနိုင်ဘူးဆိုရင် ရာထူးကနေ ထုတ်ပယ်ခံရတဲ့အထိ ဖြစ်လာနိုင်ကြောင်း နည်းပြ အာမိုရင်က ပြောပါတယ်။
မန်ယူအသင်းဟာ လာမယ့်တပတ်မှာ ပရီးမီးယားလိဂ်ပွဲစဉ်အဖြစ် နယူးကာဆယ်နဲ့ အိမ်ကွင်းမှာ ကစားပြီးနောက်မှာ လီဗာပူး၊ အာဆင်နယ်အသင်းတွေနဲ့ ဆက်လက်ယှဉ်ပြိုင်သွားရမှာဖြစ်ပါတယ်။
