မန်စီးတီးကို အနိုင်ဂိုးသွင်းခဲ့သည့် အာမတ်ဒီယယ်လိုကို ဖာနန်ဒက်စ် ချီးကျူး
DVB
·
December 16, 2024
မန်စီးတီးကို အနိုင်ဂိုးသွင်းခဲ့တဲ့ တောင်ပံကစားသမား အာမတ်ဒီယယ်လိုကို မန်ယူ ကွင်းလယ်လူ ဖာနန်ဒက်စ်က ချီးကျူးသွားပါတယ်။
အသက် ၂၂ နှစ်အရွယ် အိုင်ဗရီကို့စ်ကစားသမား အာမတ်ဟာ မနှစ်က ရာသီက ပွဲထွက်ခွင့် သိပ်မရခဲ့ပေမဲ့ အခုနှစ်ရာသီ ပြိုင်ပွဲစုံမှာ သွင်းဂိုးနဲ့ ဂိုးဖန်တီးမှု ၁၀ ကြိမ်အထိ လုပ်ဆောင်ပြီး အကောင်းဆုံးစွမ်းဆောင်ရည် ပြသနေတာပါ။
အကောင်းဆုံးခြေစွမ်းပြသနေတဲ့ အာမတ်ဟာ စီးတီးနဲ့ပွဲမှာလည်း ထပ်မံခြေစွမ်းပြသနိုင်ခဲ့ကြောင်း၊ ပင်နယ်တီရရှိအောင် လုပ်ဆောင်ပေးခဲ့သလို အနိုင်ဂိုးလည်း သွင်းယူနိုင်ခဲ့တဲ့ အာမတ်ဟာ ရပ်တန့်လို့မရတဲ့ ကစားသမား ဖြစ်လာကြောင်း ဖာနန်ဒက်စ်က ချီးကျူးပါတယ်။
လက်ရှိခြေစွမ်းကို ဆက်ထိန်းဖို့ တိုက်တွန်းသွားမှာဖြစ်ပြီး အခုထက်ပိုပြီး ခြေစွမ်းတိုးတက်လာဖို့လည်း ရှိသေးကြောင်း အာမတ်ဒီယယ်လိုအပေါ် ဖာနန်ဒက်စ်က သုံးသပ်ပြောသွားပါတယ်။
