မန်ယူနှင့်ပွဲတွင် လုံလောက်သည့်စွမ်းဆောင်ရည် မရှိခဲ့ဟု နည်းပြဂွါဒီယိုလာ ဝန်ခံ
DVB
·
December 16, 2024
မန်ယူအသင်းနဲ့ပွဲစဉ်မှာ လုံလောက်တဲ့စွမ်းဆောင်ရည် မရှိခဲ့ကြောင်း မန်စီးတီးနည်းပြ ဂွါဒီယိုလာက ကိုယ့်ကိုယ်ကိုယ် အပြစ်တင်သွားပါတယ်။
မန်စီးတီးအသင်းဟာ ပထမပိုင်းပွဲချိန် ၃၆ မိနစ်မှာ ဂဗာဒီယိုရဲ့ ဂိုးနဲ့ ဦးဆောင်နိုင်ခဲ့ပေမဲ့ မန်ယူအသင်းက ပွဲပြီးခါနီး ၈၈ မိနစ်နဲ့ မိနစ် ၉၀ တွေမှာ ချေပဂိုးနဲ့ အနိုင်ဂိုးတွေ သွင်းယူသွားခဲ့တာပါ။
ဒါဘီရှုံးပွဲနဲ့ ပတ်သက်လို့ နည်းပြဖြစ်တဲ့ မိမိအပေါ်မှာပဲ အပြစ်ရှိပြီး နည်းပြတယောက်အနေနဲ့ လုံလောက်တဲ့စွမ်းဆောင်ရည် မရှိခဲ့ကြောင်း၊ ပုံစံကောင်းပြသပြီး အခွင့်အရေးတွေ ဖန်တီးနိုင်ဖို့ ကြိုးပမ်းခဲ့ပေမဲ့ မစွမ်းဆောင်နိုင်ခဲ့ကြောင်း နည်းပြဂွါဒီယိုလာက ပြောပါတယ်။
မန်စီးတီးဟာ နောက်ဆုံး ၁၁ ပွဲမှာ တပွဲသာအနိုင်ရရှိအောင် စွမ်းဆောင်နိုင်ခဲ့ပြီး မန်ယူအသင်းကို ထပ်မံရှုံးနိမ့်ခဲ့တာကြောင့် နည်းပြဂွါဒီယိုလာနဲ့ အသင်းသားတွေအပေါ် ဖိအားတွေ ပိုတိုးလာခဲ့ပါတယ်။
