မန်စီးတီးရုန်းကန်နေရမှုအပေါ် မစဉ်းစားဘဲ ကိုယ့်အသင်းကိုပဲ အာရုံစိုက်ရန် ဖာနန်ဒက်စ်ပြော
DVB
·
December 14, 2024
မန်စီးတီးအသင်းရုန်းကန်နေရတဲ့အပေါ် မစဉ်းစားဘဲ ကိုယ့်အသင်းကိုပဲ အာရုံစိုက်ဖို့ မန်ယူကွင်းလယ်လူ ဖာနန်ဒက်စ်ကတိုက်တွန်းသွားပါတယ်။
မန်စီးတီးအသင်းဟာ ပြိုင်ပွဲစုံ နောက်ဆုံး ၁၀ ပွဲမှာ ၁ ပွဲ သာအနိုင်ရခဲ့ပြီး နည်းပြဂွါဒီယိုလာလက်ထက် အဆိုးရွားဆုံးအချိန်ကို ရောက်ရှိနေတာပါ။
တနင်္ဂနွေနေ့မှာကစားရမယ့် မန်ချက်စတာဒါဘီပွဲစဉ်မတိုင်ခင် သတင်းစာရှင်းလင်းပွဲမှာ ပြိုင်ဘက်စီးတီးရဲ့ ရုန်းကန်နေရမှုအပေါ် မစဉ်းစားဘဲ ကိုယ့်အသင်းကိုပဲ အာရုံစိုက်သွားဖို့ လိုအပ်ကြောင်း ဖာနန်ဒက်စ်ကပြောပါတယ်။
မန်စီးတီးက ဒါဘီပြိုင်ဘက်ကောင်းဖြစ်ပြီး ဘယ်လိုအခြေအနေပဲ ကြုံတွေ့နေရသည်ဖြစ်စေ မန်ချက်စတာဒါဘီက ပြိုင်ဆိုင်မှု ပြင်းထန်နေဦးမှာဖြစ်ကြောင်း၊ မန်စီးတီးကို အနိုင်ယူနိုင်တယ်လို့ ယုံကြည်ကြောင်း ဖာနန်ဒက်စ်က ပြောသွားပါတယ်။
Photo: Reuters
