ချဲလ်ဆီးပိုင်ရှင်ဘက်က တောင်းဆိုမှု တစုံတရာမရှိဟု နည်းပြမာရက်စ်ကာ ပြော
DVB
·
December 5, 2024
ချဲလ်ဆီးအသင်းပိုင်ရှင်ဘက်က တောင်းဆိုမှု တစုံတရာမရှိကြောင်း နည်းပြမာရက်စ်ကာက ပြောသွားပါတယ်။
အခုနှစ်ဘောလုံးရာသီမှာ ချဲလ်ဆီးအသင်းက ရလဒ်ကောင်းမွန်နေပြီး ပရီးမီးယားလိဂ်မှာ ဒုတိယနေရာက အာဆင်နယ်နဲ့ ရမှတ်တူ အဆင့် ၃ နေရာမှာ ရပ်တည်နေတာပါ။
အသင်းပိုင်ရှင်ဘက်ကနေ ဘယ်လိုအောင်မြင်မှုတွေ ရယူပေးရမယ်ဆိုတဲ့ တောင်းဆိုမှုတွေ မရှိဘဲ ရေရှည်မှာပဲ အောင်မြင်မှုရဖို့ ကတိပေးထားတယ်လို့ နည်းပြ မာရက်စ်ကာက ပြောပါတယ်။
အသင်းတာဝန်ရှိသူတွေနဲ့ စတင်တွေ့ဆုံကတည်းက ချဲလ်ဆီးကို ၅ နှစ်ကနေ ၁၀ နှစ်အတွင်းမှာ အင်္ဂလန်ဘောလုံးလောကကို လွှမ်းမိုးနိုင်တဲ့အသင်းဖြစ်အောင် လုပ်ဆောင်မယ်လို့ပဲ ကတိပေးခဲ့ပြီး ရေတိုအတွင်း အောင်မြင်မှုရရမယ်ဆိုတဲ့ ဖိအားပေးမှုလည်း မရှိကြောင်း နည်းပြမာရက်စ်ကာက ပြောသွားပါတယ်။
