မန်ယူနည်းပြသစ်၏ စွမ်းဆောင်ရည်ကို အာဆင်နယ်နည်းပြ အာတေတာ ချီးကျူး
DVB
·
December 4, 2024
မန်ယူနည်းပြသစ် အာမိုရင်ရဲ့ စွမ်းဆောင်ရည်တွေကို အာဆင်နယ်နည်းပြ အာတေတာက ချီးကျူးသွားပါတယ်။
ဒီဇင်ဘာ ၅ ရက်မှာ ကစားရမယ့် ပရီးမီးယားလိဂ်ပွဲစဉ် မတိုင်ခင် သတင်းစာရှင်းလင်းပွဲမှာ ပြိုင်ဘက် မန်ယူနည်းပြနဲ့ ပတ်သက်ပြီး နည်းပြအာတေတာက ချီးကျူးခဲ့တာပါ။
နည်းပြအာမိုရင်ဟာ စပို့တင်းနဲ့အတူ အကောင်းဆုံးစွမ်းဆောင်နိုင်ခဲ့ပြီး သူဘာလုပ်ချင်သလဲ ဆိုတာ ကွဲကွဲပြားပြား သိရှိနားလည်သလို အသင်းကိုလည်း အောင်မြင်မှု ရယူပေးနိုင်ခဲ့ကြောင်း အာတေတာက ချီးကျူးပါတယ်။
နည်းပြအာမိုရင်ဟာ မန်ယူအသင်းဆီကို စွမ်းအားအသစ်တွေ၊ အိုင်ဒီယာအသစ်တွေနဲ့ အပေါင်းလက္ခဏာဆောင်တဲ့ သက်ရောက်မှုတွေ ယူဆောင်လာခဲ့သူလည်း ဖြစ်တယ်လို့ နည်းပြအာတေတာက ချီးကျူးသွားပါတယ်။
