အာဆင်နယ် တောင်ပံတိုက်စစ်ကစားသမား ဘူကာရိုဆာကာရဲ့ ခြေစွမ်းတည်ငြိမ်မှုအပေါ် နည်းပြအာတေတာ က ချီးကျူးသွားပါတယ်။

ဆာကာဟာ ဝက်စ်ဟမ်းကို ၅ ဂိုး ၂ ဂိုးနဲ့ အနိုင်ရတဲ့ပွဲမှာ ပင်နယ်တီကနေ တဂိုး သွင်းပြီး ဂိုးဖန်တီးမှု ၂ ကြိမ်ပြုလုပ်ခဲ့တာပါ။

ဆာကာဟာ ဂိုးသွင်းယူမှုနဲ့ ဂိုးဖန်တီးမှုတွေကို စဉ်ဆက်မပြတ် လုပ်ဆောင်ပြီး ပုံမှန်ခြေစွမ်းပြခဲ့သလို ဒဏ်ရာပြဿနာမရှိဘဲ အသင်းအတွက် အမြဲတမ်းကစား နိုင်တာက အမှန်တကယ်ကောင်းမွန်ကြောင်း နည်းပြအာတေတာက ပြောပါတယ်။

ဂိုးသွင်းယူတာနဲ့ ဂိုးဖန်တီးနိုင်မှုတွေအပေါ် ပျော်ရွှင်ကျေနပ်မိပေမဲ့ အသင်းနိုင်ပွဲရဖို့က ပိုအရေးကြီးကြောင်း ဝက်စ်ဟမ်းနဲ့ပွဲအပြီးမှာဆာကာကပြောပါတယ်။

အင်္ဂလန် ကစားသမားဆာကာဟာ ပရီးမီးယားလိဂ်ပွဲစဉ် ၁၃ အပြီးမှာ သွင်းဂိုး ၅ ဂိုး၊ ဂိုးဖန်တီးမှု ၁၀ကြိမ် အထိပြုလုပ်ထားပါတယ်။