ဆီးရီးယားတော်လှန်ရေးတပ်ဖွဲ့တွေဟာ ဒုတိယအကြီးဆုံးမြို့ အလက်ပိုကို မြို့သိမ်းတိုက်ပွဲဆင်နွှဲရာမှာ  အစိုးရစစ်သားအများအပြား သေဆုံးခဲ့တယ်လို့ ဆီးရီးယားစစ်တပ်က နိုဝင်ဘာ ၃၁ ရက်မှာ ထုတ်ပြန်ပါတယ်။

အစ္စလာမ်မစ်စစ်သွေးကြွအဖွဲ့လို့ သတ်မှတ်ခံထားရတဲ့ ဟာယတ်တာရီယာ အယ်ရှမ်အဖွဲ့ ဦးဆောင်တဲ့ တော်လှန်ရေးတပ်တွေက သမ္မတ ဘာရှားအာဆတ်အစိုးရကို တိုက်ခိုက်နေတာ ဖြစ်ပါတယ်။

ရုရှားလေတပ်က အာဆတ်အစိုးရဘက်ကနေ လေကြောင်းတိုက်ခိုက်မှုတွေ လုပ်ဆောင်နေပြီး၊ တော်လှန်ရေးတပ်တွေရဲ့ စခန်းတွေနဲ့ လက်နက်တိုက်တွေကို ပစ်မှတ်ထားတိုက်ခိုက်နေပါတယ်။

ရုရှားစစ်ဘက်ရဲ့ ပြောကြားချက်အရ တော်လှန်ရေးတပ်ဖွဲ့ဝင် ၃၀၀ လောက် သေဆုံးသွားပြီလို့ သိရပါတယ်။

ဒီတိုက်ပွဲဟာ ၂၀၂၀ ပြည့်နှစ်ကတည်းက ငြိမ်သက်နေခဲ့တဲ့ ဆီးရီးယားပြည်တွင်းစစ်မှာ အကြီးမားဆုံး တိုက်ပွဲဖြစ်ပါတယ်။

တော်လှန်ရေးတပ်တွေဟာ အလက်ပိုလေဆိပ်ကိုပါ သိမ်းပိုက်နိုင်ခဲ့သလို၊ အစိုးရတပ်တွေ ဆုတ်ခွာသွားတဲ့နောက် မြို့ထဲမှာ အင်အားကြီးလာနေပါတယ်။

အမေရိကန်အစိုးရကတော့ ဒီတိုက်ပွဲတွေနဲ့ ပတ်သက်မှုမရှိဘူးလို့ ငြင်းဆိုထားပြီး၊ အာဆတ်အစိုးရရဲ့ နိုင်ငံရေးဖြေရှင်းမှု မလုပ်ဆောင်တာကြောင့် ဒီလိုအခြေအနေ ဖြစ်ပေါ်လာရတာလို့ ပြောကြားထားပါတယ်။

တချိန်တည်းမှာပဲ ဂါဇာနဲ့ လက်ဘနွန်မှာစစ်ပွဲတွေ ဖြစ်ပွားနေတဲ့အတွက် ဒီဒေသတခုလုံး မတည်ငြိမ်မှုတွေ ပိုမိုဖြစ်ပွားလာနိုင်တယ်လို့ လေ့လာသုံးသပ်သူတွေက သတိပေးနေပါတယ်။

အီရန်နိုင်ငံခြားရေးဝန်ကြီးကတော့ ဒီတိုက်ပွဲတွေဟာ အစ္စရေးနဲ့ အမေရိကန်တို့ရဲ့ ဒီဒေသကို မတည်မငြိမ်ဖြစ်အောင် လုပ်တဲ့ အစီအစဉ်ရဲ့ တစိတ်တပိုင်းဖြစ်တယ်လို့ စွပ်စွဲထားပါတယ်။

အခုလို တိုက်ပွဲတွေကြောင့် အရပ်သားပြည်သူတွေ ထိခိုက်သေဆုံးမှုတွေလည်း ရှိနေပြီး၊ နိုင်ငံတကာအသိုက်အဝန်းက စိုးရိမ်ပူပန်နေပါတယ်။

Source: Reuters