နည်းပြ ဂွါဒီယိုလာထံမှ သင်ယူလေ့လာခဲ့ဟု လီဗာပူးနည်းပြ စလော့ပြော
DVB
·
December 1, 2024
နည်းပြဘဝမှာ ပြိုင်ဘက် မန်စီးတီးနည်းပြ ပတ်ဂွါဒီယိုလာဆီကနေ သင်ယူလေ့လာမှုတွေရှိခဲ့ကြောင်း လီဗာပူးနည်းပြ အာနဲစလော့က ပြောသွားပါတယ်။
တနင်္ဂနွေနေ့မှာကစားမယ့် မန်စီးတီးနဲ့ ပွဲစဉ်မတိုင်ခင်ည တင်းစာရှင်းလင်းပွဲမှာ ပြိုင်ဘက်နည်းပြ ဂွါဒီယိုလာနဲ့ ပတ်သက်လို့ နည်းပြ စလော့က ချီးကျူးခဲ့တာပါ။
ဘာစီလိုနာနဲ့ ဘိုင်ယန်မြူးနစ်အသင်းတွေမှာ နည်းပြဂွါဒီယိုလာ ကိုင်တွယ်စဉ်က အဲဒီအသင်းတွေရဲ့ ဘောလုံးပေးပို့ပုံတွေကို စောင့်ကြည့်လေ့လာခဲ့ပြီး နည်းပြဂွါဒီယိုလာရဲ့ အသင်းတွေက အောင်မြင်တဲ့ ဘောလုံးပေးပို့မှု အများဆုံးအသင်းဆိုတာ သိရှိခဲ့ကြောင်း နည်းပြစလော့က ပြောပါတယ်။
အဲဒီအချက်က နည်းပြဘဝကူးပြောင်းရာမှာ ကိုယ်ပိုင်ဘောလုံးအတွေးအခေါ်နဲ့ ကစားပုံတွေ ဖန်တီးဖို့ အကူအညီရရှိစေခဲ့ကြောင်း နည်းပြစလော့က ပြောသွားပါတယ်။
