မန်ယူနည်းပြဟောင်း နစ္စတယ်ရွိုင်း လက်စတာနည်းပြသစ်အဖြစ် တာဝန်ယူမည်
DVB
·
November 29, 2024
မန်ယူနည်းပြဟောင်း နစ္စတယ်ရွိုင်းဟာ လက်စတာအသင်းနည်းပြသစ်အဖြစ် တာဝန်ယူသွားမယ်လို့ သိရပါတယ်။
တရားဝင်စာချုပ် ချုပ်ဆိုနိုင်ခြင်းမရှိပေမဲ့ ရက်ပိုင်းအတွင်းမှာ အပြီးသတ် လုပ်ဆောင်သွားမှာပါ။
လက်စတာအသင်းဟာ နည်းပြ စတိကုပါးနဲ့ လမ်းခွဲခဲ့ပြီးနောက် မန်ယူအသင်းမှာ ယာယီနည်းပြအဖြစ် စွမ်းဆောင်ရည်ကောင်းမွန်ခဲ့တဲ့ နစ္စတယ်ရွိုင်းကို တာဝန်ပေးဖို့ ဆုံးဖြတ်ခဲ့တာပါ။
အခုတပတ် တနင်္ဂနွေနေ့မှာကစားမယ့် ဘရန့်ဖို့ဒ်နဲ့ပွဲမှာ စတင်တာဝန်ယူဖို့ စီစဉ်ထားတယ်လို့ သိရပါတယ်။
နည်းပြ နစ္စတယ်ရွိုင်းဟာ မန်ယူယာယီနည်းပြဘဝက လက်စတာနဲ့ ၂ ကြိမ်တွေ့ဆုံခဲ့ရာမှာ ၂ ကြိမ်စလုံး အနိုင်ရရှိအောင်စွမ်းဆောင်နိုင်ခဲ့တာ ဖြစ်ပါတယ်။
