ယူရိုပါလိဂ်တွင် တိုက်စစ်မှူး ဟွိုက်လန်း ခြေစွမ်းပြပြီး မန်ယူအသင်း နိုင်ပွဲရယူ
DVB
·
November 29, 2024
နိုဝင်ဘာ ၂၉ ရက် ဒီနေ့ မနက်ပိုင်းက ကစားသွားတဲ့ ယူရိုပါလိဂ်ပွဲစဉ်မှာ မန်ယူအသင်းက တိုက်စစ်မှူး ဟွိုက်လန်းရဲ့ ခြေစွမ်းပြမှုနဲ့အတူ နော်ဝေကလပ် ဘိုဒိုဂလစ်ကို ၃ ဂိုး ၂ ဂိုးနဲ့ အနိုင်ရပါတယ်။
နော်ဝေကလပ်ရဲ့ ၂ ဂိုး ၁ ဂိုးနဲ့ ဦးဆောင်မှုခံခဲ့ရပေမဲ့ မန်ယူအသင်းက ချေပဂိုးနဲ့ အနိုင်ဂိုးတွေ သွင်းယူနိုင်ခဲ့တာပါ။
ပွဲအစ ၁ မိနစ်ကတည်းက ဟွိုက်လန်းရဲ့ပေးပို့မှုကနေ ဂါနာချိုက မန်ယူအတွက် ဦးဆောင်ဂိုးသွင်းခဲ့ပေမဲ့ ပွဲချိန် ၁၉ မိနစ်နဲ့ ၂၃ မိနစ်တွေမှာ ဘိုဒိုဂလစ်က ၂ ဂိုးဆက် ပြန်သွင်းခဲ့ပါတယ်။
ဒါပေမဲ့ ပွဲချိန် ၄၅ မိနစ်နဲ့ မိနစ် ၅၀ တွေမှာ ဟွိုက်လန်းက ချေဂိုးနဲ့ အနိုင်ဂိုးတွေ သွင်းယူခဲ့တာပါ။
ဒီနိုင်ပွဲရလဒ်ကြောင့် မန်ယူအသင်းက ယူရိုပါလိဂ်မှာ အဆင့် ၁၂ နေရာအထိ ပြန်လည် တက်လှမ်းနိုင်ခဲ့ပါတယ်။
