လီဗာပူးက စာချုပ်သက်တမ်းတိုးရန် မကမ်းလှမ်းသဖြင့် မိုဆာလာ စိတ်ပျက်
DVB
·
November 26, 2024
လီဗာပူးအသင်းဘက်က စာချုပ်သက်တမ်းတိုးဖို့ ကမ်းလှမ်းမှု မရှိတဲ့အပေါ် တောင်ပံတိုက်စစ် ကစားသမား မိုဆာလာက စိတ်ပျက်လက်ပျက်ဖြစ်နေပါတယ်။
ဆာလာဟာ ပြီးခဲ့တဲ့တနင်္ဂနွေနေ့က ကစားခဲ့တဲ့ဆောက်သမ်တန်နဲ့ပွဲမှာ အရေးပါတဲ့ချေပဂိုးနဲ့ အနိုင်ဂိုးသွင်းယူခဲ့ပြီး အသင်းအတွက် အကောင်းဆုံးစွမ်းဆောင်ရည်ထုတ်ပြနိုင်ခဲ့သူပါ။
အခုနှစ်ဘောလုံးရာသီအကုန်မှာ စာချုပ်သက်တမ်း ကုန်ဆုံးတော့မှာဖြစ်ပေမဲ့ ဒီဇင်ဘာလ ရောက်ဖို့ နီးကပ်လာချိန်အထိ ကမ်းလှမ်းမှု တစုံတရာ မရှိသေးတဲ့အပေါ် ဆာလာက စိတ်ပျက် လက်ပျက်ဖြစ်နေတာပါ။
ကမ်းလှမ်းမှု မရရှိသေးတာကြောင့် အသင်းမှာ ဆက်ရှိဖို့ထက် ထွက်ခွာဖို့က ပိုပြီး ဖြစ်နိုင်ခြေရှိတယ်လို့ ဆာလာက ပြောပါတယ်။
ပရိသတ်တွေနဲ့ အပြန်အလှန်ချစ်ခင်မှု ရှိပေမဲ့ အသင်းမှာဆက်ရှိနေဖို့က မိမိရဲ့အပေါ် မူတည်မနေဘဲ အသင်းအပေါ်မှာသာ မူတည်နေကြောင်း ဆာလာက ပွင့်ပွင့်လင်းလင်းပြော ပါတယ်။
Photo-Reuters
