ဆောက်သမ်တန်ကို အနိုင်ရပြီးနောက် လီဗာပူးအသင်း မန်စီးတီးကို ၈ မှတ်ဖြတ်ထား
DVB
·
November 25, 2024
လီဗာပူးအသင်းဟာ တနင်္ဂနွေနေ့က ကစားခဲ့တဲ့ ဆောက်သမ်တန်နဲ့ပွဲမှာ အနိုင်ရပြီး ဒုတိယနေရာက မန်စီးတီးကို ၈ မှတ်ဖြတ်ကာ အမှတ်ပေးဇယားကို ဆက်လက်ဦးဆောင်နိုင်ခဲ့ပါတယ်။
လီဗာပူးဟာ ဆောက်သမ်တန်ကို ခက်ခက်ခဲခဲကစားခဲ့ပြီး ၈၃ မိနစ်မှာ ရရှိခဲ့တဲ့ ပင်နယ်တီ သွင်းဂိုးကြောင့် ၃ ဂိုး ၂ ဂိုးနဲ့ အဝေးကွင်းမှာ နိုင်ပွဲဆက်ခဲ့တာပါ။
ဒီနိုင်ပွဲဟာ လီဗာပူးအတွက် အရေးပါခဲ့ပြီး ပြိုင်ဘက် မန်စီတီးရဲ့ ခြေချော်မှုတွေကို အခွင့်ကောင်းယူနိုင်ခဲ့တာပါ။
ပွဲစဉ် ၁၂ ပွဲ အပြီးမှာ လီဗာပူးအသင်းက မန်စီးတီးကို ၈ မှတ်ဖြတ်ထားသလို အဆင့် ၃ နဲ့ ၄ နေရာက ချဲလ်ဆီးနဲ့ အာဆင်နယ်အသင်းတွေကိုလည်း ၉ မှတ်စီဖြတ်ထားပါတယ်။
