မိုဆာလာက ကမ္ဘာ့အဆင့်ကစားသမားမဟုတ်ဟု ဝက်ဖို့ဒ်တိုက်စစ်မှူးဟောင်း ဒီးနေ ပြော
DVB
·
November 18, 2024
လီဗာပူးတောင်ပံကစားသမား မိုဆာလာက ကမ္ဘာ့အဆင့်ကစားသမား မဟုတ်ကြောင်း ဝက်ဖို့ဒ် တိုက်စစ်မှူးဟောင်း ထရိုင်းဒီးနေက သုံးသပ်သွားပါတယ်။
မိုဆာလာက ကမ္ဘာ့အဆင့် ကစားသမားတယောက် ဖြစ်ကြောင်း ချီးကျူးနေကြပေမဲ့ ကွဲပြားခြားနားတဲ့ အမြင်တခုသာဖြစ်ပြီး ဆာလာက ကမ္ဘာ့အဆင့်ကစားသမား မဟုတ်သေးကြောင်း ဒီးနေက ပြောပါတယ်။
တိုက်စစ်မှူးတယောက် ဖြစ်ချင်တဲ့ မိမိကလေးအတွက် ဆာလာထက်စာရင် ရီးရဲလ်ကစားသမား ဗင်နီဆီးယက်စ်ရဲ့ ကစားပုံကိုပဲ ကြည့်ရှုစေမှာဖြစ်ကြောင်း ဒီးနေက ပြောပါတယ်။
ဒါပေမဲ့ ဆာလာဟာလည်း လီဗာပူးအတွက် သွင်းဂိုးအမြောက်အမြား သွင်းယူနိုင်ခဲ့ပြီး ပုံစံကောင်း ပြသနေပေမဲ့ ကမ္ဘာ့အဆင့်ကစားသမားတော့ မဟုတ်ကြောင်း ဒီးနေက ပြောပါတယ်။
ဆာလာအနေနဲ့ ထရိုင်းဒီးနေဆိုတာ ဘယ်သူလဲလို့ မေးခွန်းပြန်ထုတ်နိုင်ပေမဲ့ မိမိအမြင်တခုကိုတော့ ပြောပြရမှာဖြစ်ကြောင်း ဒီးနေက ပြောသွားပါတယ်။
