ဆာလာ နေရာအတွက် လိုင်ယွန် ကြယ်ပွင့်ကစားသမားဖြင့် အစားထိုးရန် လီဗာပူးစီစဉ်
DVB
·
November 17, 2024
လီဗာပူးအသင်းဟာ တောင်ပံတိုက်စစ်မှူး မိုဆာလာအတွက် လိုင်ယွန်အသင်းက ပြင်သစ်ကြယ်ပွင့် ရွိုင်ယန်ချာကီနဲ့ အစားထိုးဖို့ စီစဉ်နေပါတယ်။
ဆာလာဟာ အခုနှစ်ဘောလုံးရာသီမှာ လီဗာပူးနဲ့ စာချုပ်သက်တမ်းကုန်ဆုံးမှာဖြစ်ပြီး အသင်းနဲ့ အနာဂတ် မရေမရာဖြစ်နေသူပါ။
အဲဒီအတွက် လီဗာပူးအသင်းက အစားထိုးနိုင်မယ့် ကစားသမားတယောက်ကို ကြိုတင်ရွေးချယ်ထားတာပါ။
ပြင်သစ်သတင်းစာ L’Equipe ကတော့ လီဗာပူးဟာ ဆာလာ နေရာအတွက် လိုင်ယွန် တောင်ပံကစားသမား ရွိုင်ယန်ချာကီကို ခေါ်ယူဖို့ စီစဉ်ထားရှိပြီးဖြစ်ကြောင်း ဖော်ပြပါတယ်။
ပီအက်စ်ဂျီအသင်းဟာလည်း လီဗာပူးနဲ့ အပြိုင်ခေါ်ယူဖို့ စီစဉ်ထားပြီး အပြိုင်ကမ်းလှမ်းရဖို့ ရှိပါတယ်။
လိုင်ယွန်အသင်းမှာ ဆက်ကစားဖို့က ဦးစားပေးဖြစ်ပေမဲ့ ရာသီကုန်ဆုံးချိန်ရောက်မှ အနာဂတ်ကိစ္စ ဆုံးဖြတ်မယ်လို့ ချာကီက ပြောထားပါတယ်။
