ဂျာမန်အဓိပတိ အောလော့ဖ်ရွှိုက်ဇ်ဟာ သီတင်းပတ်ကုန်ရက်တုန်းက အမေရိကန် ရွေးကောက်ခံသမ္မတ ဒေါ်နယ်ထရမ့်ပ်နဲ့ ကောင်းကောင်းမွန်မွန် ဆွေးနွေးခဲ့တယ်လို့ လူထုရှေ့မှောက်က လွှတ်တော်ထဲမှာ နိုဝင်ဘာ ၁၃ ရက်က ပြောပါတယ်။

အရင်သီတင်းပတ်က သူ့ရဲ့ လက်ရှိအာဏာရညွန့်ပေါင်းအဖွဲ့ ပြိုကွဲပြီး နောက်ပိုင်း ပထမဆုံးအနေနဲ့ ပြောတဲ့ မိန့်ခွန်းထဲမှာ ရွှိုက်ဇ်က ပြောခဲ့တာပါ။

လက်ရှိအာဏာရနေတာ ဘယ်သူပဲဖြစ်ဖြစ် အမေရိကန်ပြည်ထောင်စုနဲ့ ခိုင်မာတဲ့ အတ္တလန္တိတ် ဖြတ်ကျော် ပူးပေါင်းဆောင်ရွက်မှုကို ဆက်ထိန်းသိမ်းထားဖို့ အရေးကြီးတယ်လို့ ရွှိုက်ဇ်က ပြောပါတယ်။

ဂျာမန် အဓိပတိဟာ အဓိကဥပဒေပြုရာမှာ ထောက်ခံအားပေးဖို့ အတိုက်အခံတွေကို တိုက်တွန်းခဲ့ပြီး ကွန်ဆာဗေးတစ်တွေကိုလည်း အမေရိကန်လို သဘောထားမကွဲလွဲကြဖို့  တိုက်တွန်းခဲ့ပါတယ်။

“နိုင်ငံရေးအရ ကွဲလွဲမှုတွေက မိတ်ဆွေတွေနဲ့ မိသားစုတွေကို ပြိုကွဲစေတယ်။ ဂျာမနီမှာ ဒီလိုမျိုး မဖြစ်စေချင်ဘူး”လို့  ရွှိုက်ဇ်က ပြောပါတယ်။

Source: Reuters