တရုတ်-ရုရှားတို့ဟာ နှစ်စဉ် ကျင်းပနေကျ တရုတ်-ရုရှား တရားဥပဒေ စိုးမိုးရေးနဲ့ လုံခြုံရေး ပူးပေါင်းဆောင်ရွက်မှုယန္တရားဆိုင်ရာ ၉ ကြိမ်မြောက် အစည်းအဝေးနဲ့ ၁၉ ကြိမ်မြောက် တရုတ်-ရုရှား မဟာဗျူဟာမြောက် လုံခြုံရေးဆွေးနွေးပွဲတို့ကို တနင်္လာနေ့မှာ တရုတ်မြို့တော် ဘေဂျင်းမှာ ကျင်းပမယ်လို့ တရုတ် နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်ကျန်းက ပြောပါတယ်။

ရုရှား ဖက်ဒရေးရှင်းလုံခြုံရေးကောင်စီရဲ့ အတွင်းရေးမှူး ဆာဂေး ရွှိုင်ဂူဟာ နိုဝင်ဘာ ၁၁ ရက်ကနေ ၁၅ ရက်အထိ တရုတ်-ရုရှားမဟာဗျူဟာလုံခြုံရေးအတိုင်ပင်ခံနဲ့ တရုတ်-ရုရှား ဥပဒေစိုးမိုးရေးနဲ့ လုံခြုံရေးပူးပေါင်း ဆောင်ရွက်မှုယန္တရား ၉ ကြိမ်မြောက် အစည်းအဝေးကို တက်ဖို့ တရုတ်နိုင်ငံကို လာမယ်လို့ လင်က ပုံမှန်သတင်းစာ ရှင်းလင်းပွဲမှာ ပြောပါတယ်။

တရုတ်ကွန်မြူနစ်ပါတီ (CPC) ဗဟိုကော်မတီရဲ့ နိုင်ငံရေးဗျူရိုအဖွဲ့ဝင်နဲ့ CPC ဗဟိုကော်မတီရဲ့ နိုင်ငံခြားရေးရာကော်မရှင်ရုံး ညွှန်ကြားရေးမှူး ဝမ်ယိ၊ CPC ဗဟိုကော်မတီရဲ့ နိုင်ငံရေးနဲ့ ဥပဒေရေးရာကော်မရှင် အကြီးအကဲ CPC ဗဟိုကော်မတီရဲ့ နိုင်ငံရေးဗျူရိုအဖွဲ့ဝင် ချန်ဝမ်ချင်တို့ဟာ ရွှိုင်ဂူနဲ့ သီးခြားစီ တွေ့ဆုံမယ်လို့လည်း သူက ဆက်ပြောပါတယ်။

တရုတ်နဲ့ ရုရှားတို့ဟာ ခေတ်သစ်အတွက် စေ့စပ်ညှိနှိုင်းရေး မဟာဗျူဟာမြောက် မိတ်ဖက်တွေ ဖြစ်ပါတယ်။ နှစ်နိုင်ငံအကြား မဟာဗျူဟာမြောက် အလေးထားမှုဆိုင်ရာ ကိစ္စရပ်တွေအတွက် နီးကပ်တဲ့ ဆက်သွယ်မှုကို ထိန်းသိမ်းထားပါတယ်။ 

နိုဝင်ဘာ ၁၂ ရက်မှာ ဝမ်ယိဟာ တရုတ်နိုင်ငံဆီ အလည်အပတ်ရောက်နေတဲ့ ရွှိုင်ဂူနဲ့ နှစ်စဉ် မဟာဗျူဟာမြောက် လုံခြုံရေးဆိုင်ရာ ဆွေးနွေးပွဲကို ကျင်းပမှာပါ။

တရုတ်ဘက်က ဖိတ်ကြားချက်အရ အခုနှစ်အစောပိုင်းမှာ နှစ်နိုင်ငံခေါင်းဆောင်တွေ တွေ့ဆုံခဲ့ပြီးရလာတဲ့ အရေးကြီးတဲ့ သဘောတူညီချက်တွေကို အကောင်အထည်ဖော်ဖို့ ရည်ရွယ်ထားတယ်လို့ တရုတ်အစိုးရရုပ်သံ CCTV သတင်းမှာ ဖော်ပြပါတယ်။ 

Source: Reuters