ဘလွန်းဒီအောဆုပေးပွဲကို ရီးရဲလ်ဥက္ကဋ္ဌ၊ နည်းပြနှင့် ကစားသမားများ မတက်ရောက်
DVB
·
October 29, 2024
ပြင်သစ်နိုင်ငံ ပဲရစ်မြို့မှာ ကျင်းပတဲ့ ဘလွန်းဒီအော ကမ္ဘာ့အကောင်းဆုံးဆုပေးပွဲကို ရီးရဲလ် မက်ဒရစ်အသင်း ဥက္ကဋ္ဌ၊ နည်းပြနဲ့ ကစားသမားတွေ တက်ရောက်ခြင်းမရှိခဲ့ပါဘူး။
ဘလွန်းဒီအော အကောင်းဆုံးကစားသမားဆုကို တောင်ပံတိုက်စစ်မှူး ဗင်နီဆီးယက်စ်ဂျူနီယာ ရယူနိုင်ခြင်း မရှိခဲ့တာကြောင့် တက်ရောက်ခြင်းမရှိတာလို့ သတင်းတွေမှာ ဖော်ပြကြပါတယ်။
ရီးရဲလ်ဥက္ကဋ္ဌ ပီရက်ဇ်ဟာ ဘလွန်းဒီအောဆု ဗင်နီဆီးယက် မရရှိခဲ့တာနဲ့ပတ်သတ်လို့ မကျေမနပ်ဖြစ်ခဲ့တာကြောင့် ဆုပေးပွဲဆီ တဦးတယောက်မှ တက်ရောက်ခြင်းမပြုခဲ့တာလို့ စပိန်မီဒီယာ RMC က ဖော်ပြပါတယ်။
ရီးရဲလ်မက်ဒရစ်အသင်းရဲ့ ကစားသမားတွေ တဦးချင်း ဆုတံဆိပ်တွေနဲ့ လွဲချော်ခဲ့ပေမဲ့ အကောင်းဆုံးအသင်းဆု ရရှိခဲ့သလို နည်းပြအန်ချလော့တီက အကောင်းဆုံးနည်းပြဆုရခဲ့ပြီး ဆုလက်ခံရယူနိုင်သူ မရှိခဲ့ဘူးလို့ သိရပါတယ်။
