နည်းပြတန်ဟတ်ဂ်နေရာကို အစားထိုးရန် မန်ယူအသင်း လျှို့ဝှက်ဆွေးနွေး
DVB
·
October 26, 2024
မန်ချက်စတာယူနိုက်တက်အသင်းဟာ နည်းပြတန်ဟတ်ဂ်နေရာမှာ အစားထိုးဖို့အတွက် တခြားနည်းပြအများအပြားနဲ့ လျှို့ဝှက် ဆွေးနွေးမှုတွေ လုပ်ဆောင်နေတယ်လို့ သိရပါတယ်။
မန်ယူအသင်းဟာ ပြီးခဲ့တဲ့တပတ်ကပဲ ဘာစီလိုနာ နည်းပြဇာဗီကို စပိန်နိုင်ငံအထိသွားရောက် တွေ့ဆုံဆွေးနွေးခဲ့ကြောင်း သတင်းထွက်ပေါ် လာခဲ့ပါသေးတယ်။
ဒါ့အပြင် ဒေါ့မွန်နည်းပြဟောင်းတာဇစ်၊ စပို့တင်းလစ္စဘွန်းနည်းပြ အာမိုရင်၊ ဘရန့်ဖို့ဒ်နည်းပြ သောမက်စ်ဖရန့်ခ်တို့အပါအဝင် တခြားနည်းပြတွေကိုလည်း ကြိုတင်ချိတ်ဆက် ထားတယ်လို့ ဒေးလီးမေးလ်သတင်းမှာ ဖော်ပြပါတယ်။
မန်ယူအသင်းဟာ နည်းပြတန်ဟတ်ဂ်နဲ့ သက်တမ်းမတိုးခင်ပြီးခဲ့တဲ့ နွေရာသီတုန်းကလည်း သောမက်စ်တူဟယ်၊ ကီရန်မက်ကမ်နာ၊ မာကိုဆေးလ်ဗား အစရှိတဲ့နည်းပြတွေနဲ့ စကားပြောဆို ခဲ့ပါတယ်။
Photo:Reuters
