မက်ဇ်ယာအိုရီကို နံပါတ် ၁၀ နေရာတွင် သုံးသည့်အပေါ် မန်ယူနည်းပြ တန်ဟတ်ဂ် ရှင်းလင်း
DVB
·
October 25, 2024
ဖီနာဘာချီအသင်းနဲ့ ယူရိုပါလိဂ်ပွဲစဉ်မှာ နောက်ခံလူ မက်ဇ်ယာအိုရီကို နံပါတ် ၁၀ နေရာမှာ အသုံးပြုခဲ့တဲ့အပေါ် မန်ယူနိုက်တက်နည်းပြ တန်ဟတ်ဂ်က ရှင်းလင်းသွားပါတယ်။
မန်ယူအသင်းဟာ မော်ရင်ညိုရဲ့ ဖီနာဘာချီအသင်းနဲ့ ယူရိုပါလိဂ်အဝေးကွင်းပွဲစဉ်မှာ နောက်ခံလူ မက်ဇ်ယာအိုရီကို ကွင်းလယ်တိုက်စစ်နေရာမှာ ထားကစားခဲ့တာပါ။
အဲဒီပွဲစဉ်မှာ တဖက်တဂိုးစီ သရေကျခဲ့ပြီး မော်ရိုကို ကစားသမားဟာ ကန်သွင်းမှု တကြိမ်သာ ပြုလုပ်နိုင်ခဲ့ပါတယ်။
အိုင်ယက်စ်အသင်းမှာကတည်းက ကွင်းလယ်တိုက်စစ်နေရာမှာ အသုံးပြုခဲ့ဖူးပြီး မက်ဇ်ယာအိုရီဟာ ကွင်းလယ်ကစားသမားတယောက်ရဲ့ လုပ်ဆောင်ချက်တွေကို ကောင်းစွာ လုပ်နိုင်သူဖြစ်ကြောင်း နည်းပြတန်ဟတ်ဂ်က ပြောပါတယ်။
အသင်းမှာ လိုအပ်ချက်အလိုက် နေရာအပြောင်းအလဲလုပ်ဆောင် ကစားသွားရမှာ ဖြစ်ကြောင်းလည်း နည်းပြတန်ဟတ်ဂ်က ပြောသွားပါတယ်။
