ဘရန့်ဖို့ဒ်နည်းပြ သောမက်စ်ဖရန့် မန်ယူနည်းပြဖြစ်လာရန် ရေပန်းစား
DVB
·
October 18, 2024
ဘရန့်ဖို့ဒ်အသင်းနည်းပြ သောမက်စ်ဖရန့်ဟာ မန်ယူနည်းပြဖြစ်လာဖို့ ရေပန်းအစားဆုံး ဖြစ်လာပါတယ်။
မန်ယူအသင်းဟာ နည်းပြ အဲရစ်တန်ဟတ်ဂ်ကို ထုတ်ပယ်ဖြစ်ခဲ့မယ်ဆိုရင် နည်းပြတယောက် အသင့်အစားထိုးနိုင်ဖို့ ရှာဖွေနေတာပါ။
လက်ရှိအချိန်မှာတော့ ဘရန့်ဖို့ဒ်နည်းပြ သောမက်စ်ဖရန့်က မန်ယူနည်းပြဖြစ်လာဖို့ ရေပန်းအစားဆုံး ဖြစ်လာခဲ့တာပါ။
ဒိန်းမတ်နည်းပြ ဖရန့်ဟာ ဘရန့်ဖို့ဒ်အသင်းကို အဆင့်တခုရောက်ရှိလာအောင် ဦးဆောင်နိုင်ခဲ့ပြီး ထိပ်တန်းအသင်းကြီးတသင်းကို အောင်မြင်မှုရရှိအောင် စွမ်းဆောင်နိုင်လိမ့်မယ်လို့ ယုံကြည်နေကြတာပါ။
မန်ယူအသင်းဟာ အောက်တိုဘာ ၁၉ ရက် စနေနေ့မှာ ဘရန့်ဖို့ဒ်သင်းကို အိမ်ကွင်းမှာ လက်ခံကစားရမှာဖြစ်ပြီး အဲဒီပွဲရလဒ်က သောမက်စ်ဖရန့်နဲ့ နည်းပြတန်ဟတ်ဂ်အပေါ် အပြောင်းအလဲတချို့ ရှိလာနိုင်တယ်လို့ သိရပါတယ်။
