မန်ယူတိုက်စစ်မှူး ဇီယက်ခ်ဇီ ပရီးမီးယားလိဂ်နှင့် အံမဝင်ဟု ဝေဖန်ခံရ
DVB
·
October 16, 2024
ပရီးမီးယားလိဂ်နဲ့ အံမဝင်နိုင်တဲ့ ကစားသမားအဖြစ် မန်ယူတိုက်စစ်မှူး ဇီယက်ခ်ဇီ ဝေဖန်ခံနေရ ပါတယ်။
အသက် ၂၃ နှစ်ရှိ ဟော်လန်တိုက်စစ်မှူးဟာ အခုနှစ်ရာသီအစကမှ အီတလီကလပ် ဘိုလော့ဂ်ညာ ကနေ ပေါင် ၃၆ သန်းကျော်နဲ့ ပြောင်းရွှေ့လာခဲ့သူပါ။
မန်ယူအသင်းဟာ တိုက်စစ်မှူးတွေကို ခေါ်ယူဖို့ ကြိုးပမ်းခဲ့ရာမှာ အလုပ်မဖြစ်သေးဘဲ သူတို့ ခေါ်ယူထားတဲ့ ဇီယက်ခ်ဇီဟာ ကစားပုံ နှေးကွေးလွန်းသူဖြစ်လို့ ပရီးမီးယားလိဂ်မှာ အံမဝင်နိုင်ကြောင်း၊ ဇီယက်ခ်ဇီဟာ တရာသီကို ၂၅ ဂိုးလောက် သွင်းနိုင်တဲ့ တိုက်စစ်မှူးမဟုတ်ဘဲ အီတလီစီးရီးအေမှာပဲ ပြန်လည်ကစားသင့်ကြောင်း အီတလီနဲ့ ဝက်စ်ဟမ်းတိုက်စစ်မှူးဟောင်း ဒီကာနီယိုက ပြောပါတယ်။
သူ ဝေဖန်တာ မှားယွင်းတယ်ဆိုရင်လည်း တိုက်စစ်မှူး ဇီယက်ခ်ဇီဘက်ကနေ သွင်းဂိုးတွေ၊ စွမ်းဆောင်ရည်ကောင်းတွေနဲ့ သက်သက်ပြဖို့ လိုအပ်ကြောင်း နည်းပြတယောက်လည်းဖြစ်သူ ဒီကာနီယိုက ပြောသွားပါတယ်။
