ဧရာတတီတိုင်း၊ ဘိုကလေးမြို့နယ်မှာ စစ်ကောင်စီတပ်နဲ့ ရဲတွေက လူငယ် ၄ ယောက်ကို အောက်တိုဘာ ၁ ရက်က Mask တပ်ပြီး ဆိုင်ကယ်မောင်းလာလို့ဆိုပြီး ဖမ်းဆီးကာ ရိုက်နှက် စစ်ဆေးနေတယ်လို့ ဒေသခံတွေဆီက သိရပါတယ်။
“စစ်ကောင်စီတပ်နဲ့ ရဲ့တွေက ရန်ကုန် - ဘိုကလေးကား လမ်းပေါ်မှာ စစ်ဆေးရေး လုပ်နေတဲ့အချိန် လူငယ်တွေက ဆိုင်ကယ် ၂ စီးနဲ့ Mask တပ်ပြီး ဆိုင်ကယ်မောင်းလာလို့ ဆိုပြီးဖမ်းတာ။ လူငယ်တွေကို စစ်ကောင်စီတပ်က ဖမ်းတဲ့အချိန် ရိုက်နှက်တာတွေပါ လုပ်တာ” လို့ အဖမ်းခံရသူတွေနဲ့ နီးစပ်တဲ့ ဒေသခံတယောက်က ပြောပါတယ်။
အသက် ၁၉ နှစ်ကျော်အရွယ် လူငယ်တွေကို စစ်ကောင်စီတပ်က ဘိုကလေးရဲစခန်းမှာ ဖမ်းထားပြီး ဥဒဒေနဲ့မညီတဲ့ ကြိုးတုပ်ရိုက်နှက် စစ်ဆေးနေတယ်လို့ သိရပါတယ်။
စစ်ကောင်စီတပ်နဲ့ နီးစပ်သူ တယောက်က “ယောကျ်ားလေး ၄ ယောက် အဖမ်းခံရတာပါ။ အခု အထိတော့ ဘယ်ရွာကဆိုတာ အသေးစိတ်မသိရသေးဘူး။ ကျုံစိန်ဘက်ကလို့လည်း ပြောတယ်။ အခုဖမ်းတာက Mask တပ်လာလို့တဲ့။”လို့ ပြောပါတယ်။
ဘိုကလေးမြို့နယ်မှာ စစ်ကောင်စီ အာဏာသိမ်းပြီးနောက် ကိုဗစ် - ၁၉ ရောဂါဖြစ်ပွားတဲ့ချိန် Mask မတက်လို့ဆိုပြီး အရပ်သားတွေကို စစ်ကောင်စီတပ်နဲ့ ရဲတွေကဖမ်းဆီးပြီး ဒဏ်ငွေ ၂၀၀၀၀ စီ ရိုက်ခဲ့သေးတယ်လို့ ဒေသခံတွေဆီက သိရပါတယ်။
