လက်ရှိ အမေရိကန်ဒုတိယသမ္မတဖြစ်တဲ့ ဒီမိုကရက်ပါတီကိုယ်စားပြု သမ္မတလောင်း ကမ်မလာဟားရစ်ရဲ့ မူဝါဒတွေကြောင့် ကြက်ဥဈေးတက်ကုန်ပြီလို့ ရီပတ်ဘလီကန်ကိုယ်စားပြု ဒုတိယသမ္မတလောင်း ဂျေဒီဗင့်စ်က ဝေဖန်ခဲ့ပါတယ်။
ဗင့်စ်ဟာ ပင်ဆီလ်ဗေးနီးယားက ကုန်စုံဆိုင်တခုကို သားတွေနဲ့အတူ ဈေးသွားဝယ်ချိန်မှာ ဘိုင်ဒင်-ဟဲရစ် အစိုးရရဲ့ စီးပွားရေးကိုင်တွယ်ပုံကို ထောက်ပြဝေဖန်သွားတာ ဖြစ်ပါတယ်။
ဟဲရစ်တို့ အစိုးရမတက်မီမှာ ကြက်ဥတကတ်ကို ၁ ဒေါ်လာခွဲပဲ ကျခဲ့ပေမဲ့ အခုတော့ ၄ ဒေါ်လာ တောင် ပေးနေရတယ်လို့ ကြက်ဥတကတ်ကို ကိုင်ပြီး ဗင့်စ်က ဝေဖန်ခဲ့ပါတယ်။
သူ့သားတွေဟာ တမနက်ကို ကြက်ဥ ၁၄ လုံးလောက်ကုန်ကြောင်းနဲ့ ကမ်မလာဟားရစ်ရဲ့ မူဝါဒတွေကြောင့် ဈေးကြီးရတာဖြစ်ကြောင်း ဗင့်စ်က စွပ်စွဲခဲ့ပါတယ်။
ရွေးကောက်ပွဲကို အဆုံးအဖြတ်ပေးနိုင်တဲ့ ပြည်နယ် ၇ ခုထဲက တခုဖြစ်တဲ့ ပင်ဆီလ်ဗေးနီးယားမှာ ဗင့်စ်ရော၊ ဒီမိုကရက်ဒုသမ္မတလောင်း တင်မ်ဝေါ့ဇ်ပါ မဲဆွယ်နေကြပြီး စစ်တမ်းတွေအရ ပင်ဆီလ်ဗေးနီးယားမှာ ဟဲရစ်ဘက်က အနည်းငယ်သာနေပါတယ်။
Source-Reuters
