မြန်မာနိုင်ငံဘက်ကနေ တရားမဝင် မှောင်ခိုသယ်ဆောင်လာတဲ့ အိုက်စ်နဲ့​ ကတ်တမင်း မူးယစ်ဆေးဝါး အများအပြား ထိုင်း-မြန်မာနယ်စပ် မဲဆောက်မြို့မှ ဘန်ကောက်သို့ အထွက် စစ်ဆေးရေးဂိတ်မှာ စက်တင်ဘာ ၉ ရက်​က ဖမ်းဆီးရမိခဲ့ပါတယ်။

ကရင်ပြည်ဘက်ကနေ ထိုင်းနိုင်ငံဘက်ကို သယ်ယူလာတဲ့ မူးယစ်ဆေးဝါးတွေကို မဲ​ဆောက်မြို့နဲ့ တာခ်ခရိုင်လမ်းမကြီး၊ မဲ့လ​မောင်းတိုက်နယ် ​ခွေးယားဥစု​ပေါင်းစစ်​ဆေး​ရေးဂိတ်မှာ မနေ့ မွန်းလွဲပိုင်းက ဖမ်းဆီးရမိ​ခဲ့တာပါ။

ထိုင်း-မြန်မာနယ်စပ်ကနေ ဘန်​ကောက်မြို့ကြီးဘက်ကို အသီးအရွက်ပုံမှန်ပို့တဲ့ ဟိုင်းလတ် ကားတစီးကို  ​ခွေးယားဥစု​ပေါင်းစစ်​ဆေး​ရေးဂိတ်မှာ  မူးယစ်ဆေးဝါးတွေ စစ်​ဆေး​တွေ့ရှိတာဖြစ်ပြီး ယာဥ်​မောင်းကို စစ်​ဆေး​မေးမြန်းရာပြီး ကွင်းဆက် တရားခံတွေကို  ရှာ​ဖွေစစ်​ဆေး​နေဆဲ ဖြစ်ပါတယ်။

ကား​ပေါ်မှာ အိုက်စ်မူးယစ်ဆေး ၃၀ အိတ်၊ အ​လေးချိန် ၇၅၀ ကီလို၊ ပေါက်​စျေး ဘတ် ၁၁၂ သန်းဖိုးနဲ့ ​ ကတ်တမင်း ၁၈ အိတ်၊ အ​လေးချိန် ၅၄၀ ကီလို၊ ​ပေါက်​စျေးဘတ် ၄၃၂ သန်း စုစု​ပေါင်း ကာလတန်ဖိုး ဘတ် ၅၄၄  သန်းဖိုး ရှာဖွေစစ်ဆေးတွေ့ရှိခဲ့ပါတယ်။

ဖမ်းဆီးရမိတဲ့ မူးယစ်ဆေးဝါးတွေနဲ့ ကားကို သိမ်းဆည်းလိုက်ပြီး ကားမောင်းသမားကိုတော့  ၄၈ နာရီအတွင်း ထိုင်းနိုင်ငံတရားဥပ​ဒေအတိုင်း အရေးယူသွားမယ်လို့ သိရပါတယ်။