ပထမဆုံးအကြိမ် လီဒေါင်ဝုနဲ့ ဟျွန်ဘင်းတို့ ၂ ယောက်စလုံး ပူးတွဲသရုပ်ဆောင်ထားတဲ့ ကိုရီးယားသမိုင်းဒရာမာ Harbin ကို တိုရွန်တို နိုင်ငံတကာရုပ်ရှင်ပွဲတော်မှာ စက်တင်ဘာ ၈ ရက်က ပြသခဲ့ပါတယ်။
ကနေဒါက ကိုရီးယားဒရာမာ ပရိသတ်တွေဟာ သရုပ်ဆောင် ၂ ယောက်နဲ့ တွေ့ခွင့်ရဖို့ နာရီနဲ့ချီ စောင့်ဆိုင်းခဲ့ရပေမဲ့ စောင့်ရကျိုးနပ်ခဲ့ပါတယ်။
My Girl ဒရာမာနဲ့ ထင်ရှားတဲ့ လီက ကနေဒါနိုင်ငံမှာ သူ့ပရိသတ်တွေကို တွေ့ရလို့ ဝမ်းသာကြောင်း ပြောခဲ့ပါတယ်။
Harbin ဇာတ်ကားဟာ ၂၀ ရာစုအစောပိုင်းက ဂျပန်ဖိနှိပ်အုပ်ချုပ်မှုအောက်က လွတ်မြောက်ဖို့ တိုက်ပွဲဝင်ခဲ့တဲ့ သေးငယ်ပေမဲ့ ရဲရင့်တဲ့ တော်လှန်ရေးတပ်ဖွဲ့အကြောင်း ရိုက်ကူးထားတာ ဖြစ်ပါတယ်။
လွတ်လပ်ရေးတိုက်ပွဲဝင်သူတွေဟာ တရုတ်နိုင်ငံရဲ့ အေးခဲလှတဲ့ အရှေ့မြောက်ပိုင်းမြို့ ဟာဘင်းကို လာပြီး ဂျပန်ရဲ့ ပထမဆုံးဝန်ကြီးချုပ်ကို လုပ်ကြံဖို့ ကြိုးစားကြတဲ့ဇာတ်လမ်း ဖြစ်ပါတယ်။
ဒီကားကို ၂၀၂၁ အော်စကာ ဆန်ခါတင်စာရင်းဝင် The Man Standing Next ဇာတ်ကား ရိုက်ကူးခဲ့တဲ့ ဝူမင်ဟိုက ရိုက်ကူးခဲ့တာ ဖြစ်ပါတယ်။
Source-Reuters
