ဩစတြေးလျနိုင်ငံ မဲလ်ဘုန်းမြို့မှာ ဩဂုတ်၂၄ ရက်က ကျင်းပတဲ့ “သတ္တိနှင့်ပွင့်လန်း ချစ်သောပန်းများ” ရုပ်ရှင်ပြကနေ  ရန်ပုံငွေ ဩစတြေးလျ ဒေါ်လာ ၂၆၀၀၀ ကျော်ရရှိခဲ့ပါတယ်။

ရုပ်ရှင်ပြပွဲကို Support for Myanmar from Australia & Singapore က ဦးဆောင်ပြုလုပ်တာဖြစ်ပြီး ရရှိလာတဲ့ ရန်ပုံငွေတွေကို မြန်မာနိုင်ငံအတွင်း လိုအပ်နေသူတွေကို ကူညီထောက်ပံ့ပေးသွားမှာ ဖြစ်ပါတယ်။

Artists' Shelter အဖွဲ့က စီစဉ်တင်ဆက်တဲ့ သတ္တိနဲ့ပွင့်လန်းချစ်သောပန်းများ ရုပ်ရှင်ဇာတ်လမ်းတိုပြပွဲတွေမှာ Together၊  ငါတို့မှာ ငါတို့ပဲရှိတယ်၊ The Unknown Infinity၊ Guilt စတဲ့ ရုပ်ရှင်ဇာတ်လမ်းတို ၄ ခုကို ပြသခဲ့တာပါ။

သတ္တိနဲ့ပွင့်လန်းချစ်သောပန်းများ Acoustic Music Concert ကို အွန်လိုင်းကတဆင့် ပြုလုပ်ခဲ့ပြီးနောက်မှာ တော်လှန်ရေးရန်ပုံငွေ ပိုမိုရရှိရေးအတွက် ရုပ်ရှင်ဇာတ်လမ်းတိုတွေကို နိုင်ငံတကာမှာပြသပြီး ရန်ပုံငွေရရှိဖို့ ပြည်ပရောက်အနုပညာရှင်တွေ စုစည်းထားတဲ့ Artists' Shelter က ကြိုးစားနေတာပါ။