ကင်ညာက ဘော်ဒါဆောင် မီးလောင်မှု လူ ၂၁ ဦး ထက်မနည်း သေဆုံး
DVB
·
September 8, 2024
ကင်ညာနိုင်ငံအလယ်ပိုင်းက ဘော်ဒါဆောင်တခု မီးလောင်ပြီးနောက် လူ ၂၁ ဦးထက်မနည်း သေဆုံးခဲ့တယ်လို့ အစိုးရရောဂါဗေဒပညာရှင်တယောက်က စက်တင်ဘာ ၇ ရက်မှာ ပြောလိုက်ပါတယ်။
ကုသမှု ခံယူနေတဲ့ လူ ၂ ယောက်ကို လက်လျှော့လိုက်ရလို့ သေဆုံးသူဦးရေ တိုးလာတယ်လို့ အစိုးရ ရောဂါဗေဒ ပညာရှင် ယိုဟန်ဆန် အိုဒူးရ်ဝါ က သတင်းထောက်တွေကို ပြောခဲ့ပါတယ်။
မြို့တော်နိုင်ရိုဘီ ကနေ ၉၃ မိုင် အကွာမှာရှိတဲ့ ကျောင်းသားငယ်တွေအတွက် အဆောင်ဖြစ်တဲ့ နိုင်ယဲရီမြို့က ဟီးလ်ဆိုဒ် အန်ဒါရာရှာ ကျောင်းမှာ မီးလောင်ခဲ့တာဖြစ်ပြီး အဆောင်က ယောက်ျားလေးတွေဟာ ၄ တန်းကနေ ၈ တန်းအထိ၊ အသက် ၉ နှစ်ကနေ ၁၃ နှစ်အရွယ်အထိရှိတဲ့ ကလေးတွေလို့ အစိုးရပြောရေးဆိုခွင့်ရှိသူ အီဆက် မာအူရာ က ပြောပါတယ်။
အဆောင်မှာ ကျောင်းသား ၁၅၆ ယောက် ထားရှိတယ်လို့ ထုတ်ပြန်ချက်ထဲမှာ ဖော်ပြထားပါတယ်။
Source-Reuters
