ယာယီနည်းပြ လီကာစ်လေကို အမြဲတမ်းနည်းပြခန့်ရန် အင်္ဂလန်ကစားသမားအများစု လိုလား
DVB
·
September 7, 2024
အင်္ဂလန်လက်ရွေးစင်ကစားသမားအများစုဟာ ယာယီနည်းပြ လီကာစ်လေကို အမြဲတမ်းနည်းပြ အဖြစ် ခန့်အပ်ဖို့ လိုလားနေကြတယ်လို့ သိရပါတယ်။
ကာစ်လေဟာ ယူ-၂၁ အသင်းနဲ့အတူ ယူရိုပြိုင်ပွဲမှာ ချန်ပီယံဖြစ်အောင် စွမ်းဆောင်နိုင်ခဲ့သူဖြစ်ပြီး နည်းပြ ဆောက်ဂိတ် ထွက်ခွါသွားပြီးနောက်မှာ အသင်းကြီးယာယီနည်းပြအဖြစ် တာဝန်ပေးအပ်ခံ ခဲ့ရတာပါ။
အင်္ဂလန်အက်ဖ်အေဟာ နည်းပြချုပ် ရာထူးအတွက် ရှာဖွေနေသည့်တိုင် ကစားသမားအများစုက ကာစ်လေကို တာဝန် ပေးအပ်ဖို့ လိုလားနေကြတယ်လို့ တယ်လီဂရပ်ဖ်သတင်းမှာ ဖော်ပြပါတယ်။
လက်ရှိအင်္ဂလန်အသင်းမှာ ယူ-၂၁အသင်းနဲ့အတူ ချန်ပီယံဆုရယူခဲ့တဲ့ ကစားသမား ၆ ဦးအထိ ပါဝင်နေတာပါ။
ကွင်းလယ်လူ ဂစ်ဝိူက်ကတော့ ကာစ်လေဟာ အမြဲတမ်းနည်းပြရာထူးနဲ့ ထိုက်တန်ပြီး နည်းစနစ် ပိုင်း ကောင်းတဲ့အပြင် ကစားသမားတွေနဲ့ ဆက်ဆံရေးလည်း ကောင်းမွန်သူဖြစ်တယ်လို့ ချီးကျူးသွားပါတယ်။
Photo-Reuters
